Жонка Ігара Тура паказала інтэр'еры сямейнага дома каля Астрашыцкага Гарадка ФОТЫ
На мэблю грошай не пашкадавалі.
Сёлета Ігар Тур разам з жонкай Ксеніяй перасяліўся з кватэры ва ўласны дом. Дзеля гэтага ягонай падчарцы Юліяне нават прыйшлося змяніць сталічную гімназію №15 на школу ў Астрашыцкім Гарадку. Цяпер дзяўчынка вучыцца ў адным класе з малодшым сынам прыдворнага кампазітара Яўгена Алейніка.
Жонка Тура пахвалілася ў інстаграме тым, як яны абсталявалі дзіцячы пакой. Дзяцей вырашылі пасяліць разам — трэцякласніца Юліяна жыве разам з двухгадовым братам Аляксандрам (гэта агульны сын Ксеніі і Ігара).
Інтэр’ер зрабілі сучасны і даволі лаканічны. Дзіцячы пакой у спакойных шэра-бэжавых колерах. Ложак двух'ярусны: верхні ярус мае агароджу з вертыкальных палачак з шарыкамі, ніжні таксама мае абарончую планку, каб дзіця не скацілася ў сне.
Уздоўж сцяны размясцілі ёмістую шафу з гладкімі фасадамі і круглымі ручкамі. Для дзяўчынкі-школьніцы зрабілі працоўную зону са сталом і эрганамічным крэслам. На паліцах можна пабачыць не толькі фота, але і іконкі. А вось здымкаў Аляксандра Лукашэнкі ў інтэр'ерах не відаць.
Для Аляксандра, які толькі пачаў хадзіць у дзіцячы садок, прадугледзелі невялікі столік і крэсла з вушкамі як у зайчыка (выява зайчыка ёсць і на адной са сцен).
Велізарнае акно дае шмат святла, а дыванок з мядзведзікам дадае ўтульнасці.
На мэблю ў дзіцячы пакой Ігар Тур патраціў больш за 4500 даляраў. Ксенія вынікам вельмі задаволеная.
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»31
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
[Зрэдагавана]