Ziankovič raskazaŭ, jak u SIZA pakłaŭ pad viadro hazietu z partretam Łukašenki i pisaŭ tłumačalnuju
«Ja, Juraś Ziankovič, takoha-to čysła byŭ dziažurnym. Z metaj hihijeny padkłaŭ hazietu pad viadro».
Juryst i były palitviazień Juraś Ziankovič zhadaŭ u svaim błohu zabaŭnuju historyju. U jaho kamiery ŭ SIZA KDB zamiest tualeta było viadro, a pad jaho — dla čyścini — kłali hazietu. «Sovietskuju Biełoruśsiju».
Adnojčy ranicaj u viaźniaŭ spytali, čamu pad viadrom partret Łukašenki.
«I zahad: «pisać tłumačalnyja». Usim. U «amerykancy» niama zvyčajnych spahnańniaŭ, tamu tłumačalnyja — forma miedytacyi: što zrabiŭ, čamu, musiš raskajacca i paabiacać bolej nie stavić viadro na baćku. My paśmiajalisia, napisali», — apisvaje Ziankovič.
Pierad referendumam 2022 hoda, zhadvaje Ziankovič, haziety byli pierapoŭnienyja partretami.
«Moj dziažurny dzień. Treba stavić viadro. Pierabiraju haziety. Biez partreta — nivodnaj.
Vybiraju, dzie partret najmienšy. Kładu jaho tvaram uniz. Źvierchu — viadro. Viartajemsia z prahułki — i znoŭ toj unikum (supracoŭnik SIZA. — NN):
— Chto dziažurny? Čamu znoŭ pastavili viadro na Prezidenta?! Pišycie tłumačeńnie!!!
U kamiery — vybuch śmiechu. Pišu novuju tłumačalnuju. Ručka skrypić:
Ja, Juraś Ziankovič, takoha-to čysła byŭ dziažurnym. Z metaj hihijeny padkłaŭ hazietu pad viadro. Paśla ahladu ŭsich dastupnych vydańniaŭ vyśvietliłasia, što nivodnaj staronki biez partreta niama. Tamu abrana staronka z partretam minimalnaha pamieru, partret zasłany viadrom całkam. Ja nie viedaju, što dziažurny kantralor šukaŭ pad viadrom.
Bolš mianie nie čapali. Napeŭna, bajalisia, što ja znoŭ niešta padkładu».
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary
Ale “amerykanka” - heta inšy śviet. Heta asablivaja vip-turma, jakaja žyvie pa svaich praviłach i zakonach, bo nia ŭvachodzić u strukturu Departamienta vykanańnia pakarańniaŭ. Haładać tam nichto nie haładaje. U pobytavym płanie tam taksama ŭsio dobra, ale…
4 čałavieki (pa naminału - na praktycy zaŭsiody bolej) 24/7 žyvuć razam na płoščy 10 kv.m u nievientylujemych pamiaškańniach. Asabliva ciažka letam. Kali na vulicy +30, u kamierach nia mieniej +50. Kruhłasutkava. Pad kaniec tydnia ŭsie praściny žoŭtyja, matrasy ŭvieś čas mokryja. Nie dapamahaje (dakładniej nieznačna dapamahaje) navat dazvoleny adzin na kamieru vientylatar, jaki pieradajuć svajaki z voli.
Jak va ŭsich takich ustanovach, niešta horšaje, a niešta lepšaje. Ale ahułam - kiepskaje miesca.