Ziankovič pra Pratasieviča: Spačatku na sudzie jon chavaŭ vočy
Były palitźniavoleny Juraś Ziankovič raskazaŭ, jak da jaho na sud pryjšoŭ Raman Pratasievič — toj davaŭ pakazańni pa spravie «zmovy hienierałaŭ». Pratasievič u toj historyi byccam sprabavaŭ znajści hrošy na pieravarot.
Havoračy pra Pratasieviča, Ziankovič adrazu padkreślivaje, što nijakich pretenzij da Ramana nie maje.
— Z majho punktu hledžańnia, asudžać jaho mohuć tolki tyja, chto sam prajšoŭ praź źniavoleńnie. Tolki čałaviek, jaki byŭ [za kratami], asabliva u «amierykancy», moža zrazumieć, jak siabie adčuvaje inšy ŭ toj abstanoŭcy.
Juraś Ziankovič kaža, što pieršy čas na sudzie Raman chavaŭ vočy, nie chacieŭ sustrakacca pozirkam ź im. Ale padčas pierapynku ŭ sudzie Juraś paprasiŭ svajho advakata skazać Pratasieviču, što sam Ziankovič usio razumieje i nie maje nijakich asabistych pretenzij.
— Paśla hetaha my navat paśmichnulisia adno adnamu. Jon raspavioŭ usio toje, što havaryŭ raniej padčas śledstva.
Juraś nie pamiataje, ci zadavaŭ niejkija pytańni Ramanu padčas suda — kaža, što chutčej za ŭsio pytaŭsia niešta techničnaje ŭ miežach kryminalnaj spravy.
Sam Ziankovič adznačaje, što biełaruskija śpiecsłužby prapanoŭvali jamu supracoŭnictva i tearetyčna rola, jakuju syhraŭ Pratasievič, mahła dastacca jamu samamu — ale jon, maŭlaŭ, admoviŭsia.
— Z krasavika 2021 hoda i da momantu, kali ŭ Minsku prymusova pasadzili samalot Ryanair, mnie vielmi nastojliva prapanoŭvali rolu, jakuju ŭ vyniku zhulaŭ Raman Pratasievič. Mnie ahučyli prapanovu vystupić na dziaržaŭnym telebačańni, dać pres-kanfierencyju, raskazać, jak usio drenna ŭ apazicyi. Paśla hetaha mianie byccam by pavinny byli pieravieści pad chatni aryšt, spravu potym by spuścili na tarmazach. Jak mnie skazali: «Ty zmožaš zastacca ŭ Biełarusi, praź niekatory čas atrymaješ niejkuju pasadu, niejkuju pracu». Ja skazaŭ, što takaja prapanova mianie nie cikavić i ja ŭ takich hulniach udzielničać nie budu.
Ziankovič vieryć, što Pratasievič staŭ udzielničać va ŭsim hetym šou nie zusim dobraachvotna.
— Nakolki ja čuŭ, da jaho ŭžyvali šantaž i maralnyja katavańni. Jaho siłaj prymusili supracoŭničać. Ja nie znaju, što ŭ jaho adbyvajecca ciapier. Z Ramanam my znajomy šmat hadoŭ. Mnie zdajecca, na jaho praciahvajuć cisnuć biełaruskija śpiecsłužby.
Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
Ziankovič pra Vieramiejčyka: Užyvali fizičny hvałt, kab prymusić jaho skazać na BT toje, što chočuć pačuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie
Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA
Kamientary
a Pratasievič ža ŭ henym šou kazaŭ, što zajzdrościŭ viadomaści i papularnaści niekaha tam... ci ja niechta błytaju?