Staŭ viadomy poŭny śpis 18 fihurantaŭ «małočnaj spravy», padzielnikaŭ ministra Bryło i bratoŭ Skitavych

Praz dva hady paśla pieršych aryštaŭ u Minskim haradskim sudzie pačaŭsia razhlad «małočnaj spravy».

Centralnyja fihury: były kiraŭnik «Babulinaj krynki» Hienadź Skitaŭ (raniejšaje proźvišča Elkind) i jahony brat Siarhiej Elkind, a taksama były pamočnik Łukašenki pa Viciebskaj vobłaści i ministr sielskaj haspadarki Ihar Bryło.

Sens spravy ŭ tym, što byccam by Skitavy pry spryjańni Bryło razharnuli na dziaržaŭnaj «Babulinaj kryncy» sistemu, pry jakoj štučna stvarałasia zatavaranaść składaŭ, što dazvalała dla ich razhruzki adpuskać pradukcyju pa nižejšaj canie. Potym hetaje, u realnaści dobraje małako i inšyja pradukacyja pa dempinhavych cenach adhružałasia na firmy-pasiaredniki, jakija pradavali ŭ Rasii pa realnaj canie. A roźnica, adpaviedna, dzialiłasia pamiž udzielnikami schiemy. 

Aproč centralnych fihurantaŭ, na łavie padsudnych:

— Viktar Skitaŭ, syn Hienadzia Skitava, dyrektar filijała «Minski» «Babulinaj krynki».

— Arciom Zubiel, pieršy namieśnik dyrektara «Babulinaj krynki», syn byłoha namieśnika načalnika ščučynskaj milicyi.

— Halina Ciciankova, namieśnica dyrektara «Babulinaj krynki», paśla ŭznačaliła haspadarku «Novaja Druć» u Białynickim rajonie.

— Alaksiej Dranica, načalnik adździeła źniešnieekanamičnaj dziejnaści «Babulinaj krynki». 

— Dzianis Lińnik, dyrektar filijała «Asipovicki» «Babulinaj krynki», były načalnik Barysaŭskaha RUUSa.

— Siarhiej Pietražycki, dyrektar «Viciebskmiasmałprama».

— Uładzimir Siruć, «hałoŭny siabar» Hienadzia Skitava, kiraŭnik šerahu afilijavanych kampanij.

— Siarhiej Kačanaŭ, dyrektar viciebskaha kancerna «Miasa-małočnyja pradukty»

— «Nikołajevič M. V». — poŭny ciozka Michaiła Valancinaviča Nikałajeviča, byłoha namieśnika staršyni praŭleńnia «Technabanka» i namieśnika dyrektara salihorskaha futbolnaha «Šachciora».

— Uładzimir Lisicyn, zasnavalnik «BiełAhraHien Biełaruś».

Jašče pra piać čałaviek dakładna nie viadoma, čym jany zajmalisia na svabodzie: A. Čarniak, A. Jaščanka, H. Kirakasian, A. Sabalkoŭ, A. Pankoŭ.

Ahułam tut 18 čałaviek, chacia napačatku spravy KDB zajaŭlała, što fihurantaŭ 26. Nazyvalisia taksama kampanii ŭ schiemie, aproč «Babulinaj krynki»: Połacki małočny kambinat, Viciebski miasakambinat, Słucki syrarobny kambinat, Rahačoŭski MKK, Miasa-małočnaja kampanija; a taksama pryvatnyja «Smak siezonu», «Biełmałhandal», «Nieściarembieł», «TPK PradInviest», «Irmoł», «Miłkproftrejdzinh», «PTK», «Ehida». Bolšaść hetych kampanij praciahvajuć rabotu. 

Padčas śledstva s SIZA vychodzili naviny, što braty Elkindy-Skitavy jak byłyja pradstaŭniki kryminalnaha śvietu nie davali nijakich pakazańniaŭ, u toj čas jak Ihar Bryło «biespardonna hruziŭ siabie i inšych». 

Čytajcie taksama: «Ciabie b baćka praklaŭ»: maci fihuranta «małočnaj spravy» prabiłasia na spatkańnie ź im, kab ślozna paprasić nie supracoŭničać sa śledstvam

Čytajcie taksama: «Hruzić siabie i inšych»: były pamočnik Łukašenki Ihar Bryło biare na siabie vinu ŭ pramysłovych abjomach

Fihuranty prachodziać pa 12 artykułach kryminalnaha kodeksu: 

• Artykuł 430 č. 2 — atrymańnie chabaru, ad 3 da 10 hadoŭ pazbaŭleńnia voli;
• artykuł 426 č. 3 — pieravyšeńnie ŭłady pry ciažkich nastupstvach, ad 3 da 10 hadoŭ pazbaŭleńnia voli;
• artykuł 430 č. 3 — atrymańnie chabaru, ad 5 da 15 hadoŭ pazbaŭleńnia voli;
• artykuł 209 č. 1 — machlarstva, štraf, hramadskija raboty, aryšt albo abmiežavańnie voli da 3 hadoŭ, albo pazbaŭleńnie voli da 3 hadoŭ;
• artykuł 431 č. 3 — dača chabaru, ad 5 da 10 hadoŭ pazbaŭleńnia voli;
• artykuł 426 č. 2 — pieravyšeńnie ŭłady, ad 2 da 6 hadoŭ pazbaŭleńnia voli;
• artykuł 424 č. 2 — złoŭžyvańnie ŭładaj, ad 2 da 6 hadoŭ pazbaŭleńnia voli;
• artykuł 431 č. 1 — dača chabaru, štraf, vypraŭlalnyja raboty da 2 hadoŭ, aryšt abo abmiežavańnie voli da 2 hadoŭ, albo pazbaŭleńnie voli da 5 hadoŭ;
• artykuł 424 č. 3 — złoŭžyvańnie ŭładaj, ad 3 da 10 hadoŭ pazbaŭleńnia voli;
• artykuł 210 č. 4 — machlarstva ŭ asabliva bujnym pamiery abo arhanizavanaj hrupaj, ad 3 da 10 hadoŭ pazbaŭleńnia voli z mahčymaj kanfiskacyjaj;
• artykuł 432 č. 2 — pasrednictva ŭ chabary, aryšt abo abmiežavańnie voli da 5 hadoŭ, albo pazbaŭleńnie voli da 6 hadoŭ;
• artykuł 210 č. 3 — machlarstva ŭ bujnym pamiery, ad 2 da 7 hadoŭ pazbaŭleńnia voli.

Nieviadoma, kamu ź fihurantaŭ inkryminujucca jakija artykuły.

• 0
• 0
• 1
• 0
• 0
• 0
• 0
• 0