Hramadzianku Rasii Jarasłavu Chramčankovu 9 vieraśnia pryznali vinavataj pavodle art. 361‑4 (sadziejničańnie ekstremisckaj dziejnaści) i 369‑1 (dyskredytacyja Biełarusi) Kryminalnaha kodeksu. Homielski abłasny sud pryznačyŭ dziaŭčynie try hady pazbaŭleńnia voli ŭ kałonii va ŭmovach ahulnaha režymu, paviedamlaje «Homielskaja viasna».
Jarasłavie 27 hadoŭ. Jana hramadzianka Rasii, ale žyvie ŭ Mazyry. Jaje zatrymali 23 krasavika ź inšymi mazyrcami i žycharom susiedniaha Jelsku. Paviedamlajecca, što pieraśledujuć palitźniavolenuju, vierahodna, pa «spravie Hajuna».
Nahadajem, napačatku lutaha 2025 hoda telehram-kanał «Biełaruski hajun» paviedamiŭ, što ich bot, u jaki ludzi dasyłali infarmacyju pra pierasoŭvańnie rasijskaj vajskovaj techniki na terytoryi Biełarusi, byŭ uzłamany. Tam utrymlivałasia ŭraźlivaja infarmacyja, u tym liku asabistyja danyja tych, chto pisaŭ u bot.
«Viasna» maje infarmacyju pra jak minimum 67 paćvierdžanych fihurantaŭ hetaj spravy. Ahulnaja ž ličba zatrymanych značna bolšaja. Zatrymańni pa spravie adbyvajucca da hetaha času.
Kamientary