U Biełarusi raście zapazyčanaść nasielnictva pa bankaŭskich kredytach
Pavodle danych Nacyjanalnaha banka, u lipieni 2025 hoda ahulnaja suma zapazyčanaściaŭ fizičnych asobaŭ upieršyniu ŭ najnoŭšaj historyi pieravysiła 28 miljardaŭ biełaruskich rubloŭ. Za hod hety pakazčyk vyras prykładna na 20%. Pry hetym bolš za 60% kredytnaj zapazyčanaści prypadaje na ipateku — pazyki na kuplu žylla.
Staršynia praŭleńnia Nacbanka Raman Hałoŭčanka u efiry telekanała «Pieršy infarmacyjny» adznačyŭ, što takaja tendencyja śviedčyć pra davier biełarusaŭ da budučyni i pra peŭny ŭzrovień ich dachodaŭ.
«Uzrovień dachodaŭ dazvalaje brać kredyt, tamu što bank jaho nie vydaść, kali nie ŭbačyć stabilnych krynic dachodu», — padkreśliŭ čynoŭnik.
Pavodle jaho słoŭ, u ekanamičnych pavodzinach biełarusaŭ možna zaŭvažyć ssoŭvańnie ŭ bok zachodniaj madeli, dzie vykarystańnie kredytaŭ šyroka raspaŭsiudžana. Pry hetym jon nie bačyć u hetym ničoha admoŭnaha, pakul zachoŭvajecca bałans pamiž dachodami i abjomam zapazyčanaści. Asnoŭnaja ryzyka — heta pieratvareńnie vysokaj kredytnaj nahruzki ŭ «kiepskija daŭhi».
Hałoŭčanka adznačyŭ, što rost kredytavańnia adpaviadaje rostu dachodaŭ nasielnictva. Za apošnija dva hady, kali ŭličvać pavieličeńnie dachodaŭ, dola srodkaŭ, jakaja idzie na pahašeńnie kredytaŭ, navat źmienšyłasia na 2%. Dola «kiepskich kredytaŭ» zastajecca nizkaj — kala 0,5%, i nie pieravyšaje hety ŭzrovień apošnija hady.
Jon nahadaŭ pra pakazčyk indyvidualnaj kredytnaj nahruzki, jaki vykarystoŭvajuć banki. Jon nie pavinien pieravyšać 40% (heta značyć, vypłaty pa kredytach nie pavinny «źjadać» bolš za 40% dachodu čałavieka). U Biełarusi ciapier siaredni ŭzrovień trymajecca na ŭzroŭni 27—29%.
«Pakul niama nieabchodnaści ŭ hety praces umiešvacca», — reziumavaŭ kiraŭnik Nacbanka.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary