Ekśpiert patłumačyŭ, kali varta pačynać rabić šenhienskuju vizu, kab trapić na adpačynak u Jeŭropu
Kali adpačynak u Jeŭropie zapłanavany na lipień abo žnivień, to zaniacca vizami varta za paŭhoda da płanavanaj daty pajezdki. Takuju paradu daŭ u intervju «DW Biełaruś» Alaksandr Libier — trevieł-błohier, zasnavalnik prajekta visaflow.live i ŭ minułym uładalnik turystyčnaha biźniesu ŭ Viciebsku, piša «Lusterka».
«Kali ŭ mai chtości vyrašyŭ, što ŭ lipieni zmoža adpravicca va ŭmoŭnuju Ispaniju ci Charvatyju — vielmi małavierahodna, što ŭ biełarusa heta atrymajecca. Tamu kali my havorym pra siezon adpačynkaŭ, to, viadoma, ciapier užo treba havaryć pra toje, jakim budzie siezon adpačynkaŭ u 2026 hodzie».
Tym, chto choča pajechać u adpačynak u Jeŭropu nastupnym letam, jon paraiŭ pačać afarmleńnie ŭ śniežni 2025 hoda. U vypadku ź niamieckaj vizaj svaja śpiecyfika: čakańnie zapisu moža dasiahać 20 miesiacaŭ.
«Adnak heta kampiensujecca, napeŭna, najlepšaj statystykaj pa kolkaści admovaŭ: u niemcaŭ jana tradycyjna nizkaja — u rajonie 2-3%. I bliskučaj statystykaj šmatrazovych viz: bolš za 95% viz, jakija stavić Hiermanija — šmatrazovyja».
Pavodle słoŭ Alaksandra Libiera, kali kazać pra vizu na 2, 3 ci 5 hadoŭ, to čaściej za ŭsio ich vydaje pasolstva Hiermanii.
«Tyja ludzi, jakija ŭmiejuć płanavać svajo žyćcio (kali ciapier heta ŭ pryncypie mahčyma), stanoviacca na čarhu ŭ niamieckaje konsulstva, čakajuć 10, 15, 16, a to i 19 miesiacaŭ. Ale kali ŭ pieryjad čakańnia im terminova patrebnaja viza, jany iduć u tyja ambasady, dzie možna adkryć za 2-3 miesiacy. «Prakatvajuć» jaje i zatym užo mohuć paŭtorna padacca, atrymać kankretna niamiecki «šenhien», dačakaŭšysia svajoj čarhi».
«Viza nie pryznačanaja dla turyzmu». Biełarusa departavali z Polščy za «niametavuju» pajezdku ŭ Čechiju
«Šancy adkryć vizu hetym letam jašče jość». Jak spravy z šenhienam u razhary siezona adpačynkaŭ
MZS Polščy prakamientavała prablemy z atrymańniem viz
«Uskładniajuć praces rehistracyi». Dla zapisu na polskija vizy źjavilisia novyja patrabavańni
Lidar na Pireniejach. Źjaviŭsia «narodny» rejtynh ustanoŭ, praź jakija jašče možna atrymać šenhienskuju vizu
Biełarusy, što jeduć u Sierbiju i Čarnahoryju, mohuć trapić u vizavuju pastku
Kamientary