Lidar na Pireniejach. Źjaviŭsia «narodny» rejtynh ustanoŭ, praź jakija jašče možna atrymać šenhienskuju vizu
Śpiecyjalizavany telehram-kanał «Vizovyj krot» skłaŭ «narodny» rejtynh usich dypłamatyčnych ustanoŭ, praź jakija ŭ Minsku jašče možna atrymać šenhienskija vizy. U Minsku ciapier, pa ich źviestkach, zastałosia kala dziasiatka takich mahčymaściaŭ, ale jany zusim roznyja i ŭ sensie chutkaści, i ŭ sensie vyniku.
Najbolš stabilnym i zrazumiełym varyjantam nazyvajecca Ispanija: słoty dla zapisu źjaŭlajucca tut niekalki razoŭ na miesiac, možna zapisacca samastojna.
U vyniku — viza na 1—3 miesiacy, časam navat na hod i bolej. Admoŭ mała. Minusy hetaha varyjantu — praciahły razhlad, da 45 dzion paśla atrymańnia dakumientaŭ, plus 6—7 dzion na dastaŭku.
U konsulstva Hrecyi zapisacca lohka, ale vizu vydajuć tolki pad kankretnuju pajezdku abo dajuć admovu. Treci varyjant amal niemahčymy. Ryzyki tut vielmi vysokija.
Francyja adkryvaje vizy pieravažna tolki pad zaprašeńni (aficyjnyja ci nie). Turyzm ź Biełarusi ŭ hetuju krainu ŭ minułym. Šaniec tut atrymać vizu, takim čynam, nievysoki.
Što da Italii, to ŭ letni pieryjad tut zvyčajna pavialičvajecca kolkaść dastupnych słotaŭ, ale kolkaść achvotnych — vielizarnaja. A nieŭzabavie tut jašče źmienicca vizavy centr.
U Hiermanii zapis tolki praz poštu, čas čakańnia — hod i bolej. Vynik užo nie apraŭdvaje čakańnia. Vyhladaje, što niemcy stamilisia ad «vizavych turystaŭ» i štučna abmiažoŭvajuć dostup.
U Vienhryi słoty byccam by jość, ale ich nichto nie bačyŭ (akramia turahienctvaŭ). Varyjanty — tolki praz kupleny tur ci zaprašeńnie. Prytym treba sapraŭdy dajechać u krainu, inakš viza stanie «harbuzom».
Adnosna Bałharyi, to ŭ telehram-kanała składvajecca ŭražańnie, što sami nie vielmi chočuć być u Šenhienie. Vizy vydajuć ź ciažkaściu, a potym lohka ich anulujuć.
Pa-za rejtynham apynulisia Rumynija, dzie čarha na 5 miesiacaŭ napierad, Polšča, dzie situacyja nie lepšaja i Słavakija z Partuhalijaj, dzie zapis mahčymy tolki raz na miesiac u 9:00 ranicy pa pošcie, što amal nierealna.
Takim čynam, Ispanija — najbolš realny varyjant dla tych, chto choča vizu i adpačynak jašče hetym letam.
Jašče adna terytoryja stanie dastupnaj praz šenhienskuju vizu
Biełarusy, što jeduć u Sierbiju i Čarnahoryju, mohuć trapić u vizavuju pastku
Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska
Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?6
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3030
Kamientary