Prezident Ukrainy Uładzimir Zialenski na pres-kanfierencyi razam ź lidarami krain Paŭnočnaj Jeŭropy i Bałtyi ŭ Talinie zajaviŭ, što atrymaŭ vynik, jaki byŭ jamu patrebny ad adkrytaha lista Uładzimiru Pucinu, piša «Interfaks-Ukraina».
«Ja nie mahu padzialicca z vami ŭsimi detalami, ale maja dziaržava maje patrebu ŭ vielmi značnaj kolkaści antybalistyčnych mahčymaściaŭ. Ja atrymaŭ vynik, ale ja nie mahu padzialicca zaraz tym, jaki heta byŭ vynik, ale ja heta zrabiŭ. U mianie była meta, kali ja adpraŭlaŭ list Pucinu, i ja dumaju, što ja atrymaŭ vynik, jaki byŭ patrebny», — skazaŭ Zialenski.
U adkrytym liście da Pucina 4 červienia Uładzimir Zialenski prapanavaŭ jamu asabistuju sustreču dla abmierkavańnia zaviaršeńnia vajny i zajaviŭ, što Ukraina hatovaja da pramych pieramoŭ pamiž lidarami dźviuch dziaržaŭ.
Prezident ZŠA Donald Tramp zajaviŭ, što ŭ cełym ličyć takuju sustreču pazityŭnaj.
Pucin u svaju čarhu skazaŭ, što nie maje namieru pravodzić sustreču ź Zialenskim, pakolki «sens ukrainskaha boku — spynić naša nastupleńnie, a nam patrebnyja damoŭlenaści». Taksama jon nazvaŭ «niapravilnym» sam abrany Zialenskim adkryty sposab kamunikacyi.
Prapahandysty zapeŭnivajuć, što 196 palitviaźniaŭ užo na svabodzie9
Kamientary