U Zasłaŭi praciahvajuć znosić damy na centralnaj vulicy. U niekatorych jašče žyvuć ludzi
U Zasłaŭi ŭ pracesie padrychtoŭki da abłasnych «Dažynak» praciahvajuć raboty pa znosie starych damoŭ na centralnaj vulicy Savieckaj. Hetyja raboty zajaŭlajucca jak častka bolš šyrokaha płana pa rekanstrukcyi vulicy, dzie płanujuć pašyryć prajeznuju častku dla palapšeńnia darožnaj situacyi, piša pristalica.by.
Raniej my paviedamlali, što padčas hetych rabot pad znos trapili niekatoryja budynki, jakija raniej uvachodzili ŭ śpis architekturnaj spadčyny pad achovaj, ale nie tak daŭno byli ź jaho vyklučanyja.
Dniami pačali padrychtoŭku da znosu doma №47, u jakim jašče žyvuć ludzi, što vyklikała tryvohu ŭ miascovych žycharoŭ.
Žycharam damoŭ abiacajuć, što biez dachu nad hałavoj jany nie zastanucca — im dajuć arendnaje žyllo. U hetym domie było 12 kvater, bolšaść ź ich žycharoŭ užo pierajechała ŭ novaje žyllo. Adnak troje ŭładalnikaŭ pakul zastajucca.
Jak patłumačyŭ dyrektar dziaržaŭnaha pradpryjemstva «Žyllovik Minščyny» Arciom Jafremaŭ, raboty viaducca pastupova i ŭsio ŭzhodniena zahadzia. Raźbirajuć, maŭlaŭ, tolki pustuju častku budynka, dzie nikoha niama. Z žycharami troch kvater praviali razmovu i paabiacali, što da piatnicy, 11 lipienia, jany atrymajuć novaje arendnaje žyllo.
Pa apošnich danych, z troch kvater nasamreč zasielenyja tolki dźvie. Jak tolki ŭsie žychary vyjeduć, pačnucca raboty pa poŭnym znosie druhoj častki doma.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary