Susied pierakanaŭ 90-hadovuju žančynu nie addavać hrošy machlaram i adrazu ž patelefanavaŭ u milicyju
Žančynie na stacyjanarny telefon patelefanavali nieviadomyja i, paviedamiŭšy pra nieabchodnaść praciahnuć damovu na akazańnie pasłuh z «Biełtelekamam», vymanili pašpartnyja danyja.
Nieŭzabavie praź miesiendžar ź joj źviazalisia byccam by ŭ milicyi i, zajaŭlajučy, što ad jaje imia ździajśniajucca niezakonnyja finansavyja apieracyi, uhavaryli pieradać kurjeru dla pravierki i dekłaravańnia ŭsie najaŭnyja źbieražeńni, paviedamlaje «Milicyja Minska».
Piensijanierka padrychtavała bolš za 26 000 rubloŭ, ale pačała sumniavacca i źviarnułasia pa paradu da susieda, jaki paćvierdziŭ jaje aściarohi i vyklikaŭ milicyju.
Prybyłyja apieratyŭniki zatrymali kurjera, jaki pryjechaŭ pa hrošy. Im akazaŭsia 21-hadovy student. Raniej małady čałaviek sam staŭ achviaraj ašukancaŭ i pieraličyŭ na ich rachunak bolš za 25 000 rubloŭ.
Zaviedziena kryminalnaja sprava.
Kamientary