Paśla adchileńnia Iranam ultymatumu Trampa ZŠA pasyłajuć na Blizki Uschod treci avijanosiec
ZŠA vyrašyli pierakinuć na Blizki Uschod jašče adzin — užo treci — avijanosiec na fonie rostu napružańnia pamiž Iranam i Izrailem. Jak paviedamlaje CNN sa spasyłkaj na krynicy ŭ Pientahonie, hetaje rašeńnie było pryniata paśla taho, jak kiraŭnik Irana ajatała Ali Chamieniei admoviŭsia pryniać «biezumoŭnuju kapitulacyju», jakoj patrabavaŭ Donald Tramp.
U rehijon nakiroŭvajecca samy darahi avijanosiec ZŠA — Gerald R. Ford, jaki kaštuje $13 miljardaŭ. Hety «płyvučy horad» maje dźvie jadziernyja ŭstanoŭki, raźvivaje chutkaść da 56 km/h i moža brać na bort kala 90 samalotaŭ i viertalotaŭ (u tym liku F-35), a taksama bolš za 4000 čałaviek ekipažu. Karabiel uzbrojeny sistemami supraćpavietranaj abarony i zienitnymi kompleksami.
Raniej u rehijon užo byli nakiravanyja inšyja avijanoscy — Nimitz i Carl Vinson — razam z supravadžalnymi karablami, rakietnymi krejsierami i eśmincami z «Tamahaŭkami». Usio heta stvaraje mocnuju ŭdarnuju hrupu.
Akramia taho, ZŠA adpravili dadatkovyja źniščalniki F-16, F-22 i F-35 i pierakinuli ź Jeŭropy samaloty-zapraŭščyki, kab padtrymlivać pavietranuju apieracyju.
Tramp 18 červienia čarhovy raz zajaviŭ, što Iran pavinien «prosta zdacca», i pryhraziŭ udarami pa vajskovych i jadziernych abjektach krainy, padkreśliŭšy, što amierykancy «całkam kantralujuć nieba nad Iranam».
Prync Reza Piechlevi vystupiŭ ź videazvarotam da naroda Irana, zaklikaŭ da paŭstańnia
Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja
ZŠA pieramiaščajuć vajskovyja samaloty ŭ rehijon Mižziemnaha mora
Fardo — hałoŭny jadzierny abjekt Irana. Što pra jaho viadoma?
Na praciahu dvuch sutak ZŠA prymuć rašeńnie ab mahčymym dałučeńni da vajennych dziejańniaŭ suprać Irana
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia7
Kamientary