ZŠA pierakidajuć na Blizki Uschod druhi avijanosiec i dziasiatki samalotaŭ
Złučanyja Štaty Amieryki ŭzmacniajuć svaju vajskovuju prysutnaść na Blizkim Uschodzie na fonie kanfliktu pamiž Izrailem i Iranam. Pa prośbie Izraila, jaki źviarnuŭsia da administracyi Donalda Trampa z prośbaj dałučycca da vajskovaj apieracyi suprać Irana, ZŠA pierakidvajuć u rehijon druhi avijanosiec i dziasiatki vajskovych samalotaŭ, paviedamlaje Reuters.
Avijanosiec «Nimic», jaki pieršapačatkova nakiroŭvaŭsia ŭ Vjetnam, źmianiŭ maršrut z-za nadzvyčajnaj apieratyŭnaj nieabchodnaści i ciapier ruchajecca na zachad u bok Blizkaha Uschodu. Tam jon dałučycca da avijanosca «Karł Vinsan», na borcie jakoha znachodziacca źniščalniki F/A-18 i F-35. Taksama ŭ rehijon mohuć nakiravać i treci avijanosiec — «Džordž Vašynhton».
Akramia taho, z amierykanskich baz u Jeŭropu pierakinuli kala 30 samalotaŭ-zapraŭščykaŭ, zdolnych zabiaśpiečvać praciahłyja paloty bajavych samalotaŭ jak ZŠA, tak i Izraila. Heta, jak ličycca, palehčyć avijaŭdary pa iranskich celach.
Izrail pačaŭ vajennuju apieracyju suprać Irana ŭ noč na 13 červienia, atakujučy jadziernyja i vajskovyja abjekty. U adkaz Iran vypuściŭ sotni balistyčnych rakiet pa izrailskaj terytoryi.
Pavodle danych The Times of Israel, ciapier u rehijonie znachodziacca kala 43 tysiač amierykanskich vajskoŭcaŭ — značna bolš, čym zvyčajna. ZŠA pavialičyli svaje siły z-za napružanaści ź Iranam i atak chusitaŭ na sudny ŭ Čyrvonym mory.
Donald Tramp papiaredziŭ Tehieran, što ŭ vypadku napadu na amierykanskich vajskoŭcaŭ ZŠA adkažuć z «biesprecedentnaj siłaj».
Tramp zaklikaŭ Izrail i Iran zaklučyć mirnaje pahadnieńnie
Tehieran haryć. Izrailskija źniščalniki praciahvajuć udary, pakul SPA Irana biaśsilnaja
«Toje, što Izrail zrabiŭ ź Iranam, — heta toje, što Rasija chacieła zrabić z Ukrainaj»
Iran pahražaje pierakryć Armuzski praliŭ. Čym heta pahražaje Jeŭropie i śvietu?
Biaśpieka Irana pad pytańniem: jahony ŭrad niazdolny abaranić navat sam siabie
Kamientary