Prezident ZŠA taksama paviedamiŭ, što nie vyklučaje pasiarednictva Uładzimira Pucina ŭ mirnych pieramovach.
Prezident ZŠA Donald Tramp zaklikaŭ Izrail i Iran zaklučyć mirnaje pahadnieńnie, piša Rasijskaja słužba Radyjo Svaboda.
«Iran i Izrail pavinny zaklučyć pahadnieńnie, i jany jaho zaklučać, tak ža, jak ja prymusiŭ Indyju i Pakistan zaklučyć pahadnieńnie, u hetym vypadku vykarystoŭvajučy handal z Złučanymi Štatami, kab prynieści rozum, adzinstva i zdarovy sens u pieramovy z dvuma vybitnymi lidarami, jakija zmahli chutka pryniać rašeńnie i spynicca», — napisaŭ Tramp u sacsietcy Truth Social.
Tramp nahadaŭ, što ŭ svoj pieršy termin dasiahnuŭ spynieńnia kanfliktu pamiž Sierbijaj i Kosavam, a taksama paspryjaŭ mirnamu ŭrehulavańniu pamiž Jehiptam i Efiopijaj.
«Takim ža čynam, nieŭzabavie my dasiahniom miru pamiž Izrailem i Iranam», — padkreśliŭ Tramp.
Raniej u intervju ABC News prezident zajaviŭ, što Vašynhton, mahčyma, moža ŭmiašacca va ŭrehulavańnie kanfliktu pamiž Izrailem i Iranam. Pry hetym jon udakładniŭ, što na dadzieny momant ZŠA nie ŭdzielničajuć u kanflikcie.
Tramp taksama paviedamiŭ, što nie vyklučaje pasiarednictva prezidenta Rasii Uładzimira Pucina ŭ mirnych pieramovach. «Jon hatovy. Jon telefanavaŭ mnie z hetaj nahody. My doŭha abmiarkoŭvali heta», — skazaŭ Tramp.
U svaju čarhu ministr zamiežnych spraŭ Irana Abas Arahčy zajaviŭ, što Tehieran hatovy zaklučyć pahadnieńnie, jakoje harantuje admovu ad jadziernaj zbroi.
U vyniku načnoj ataki Irana na Izrail zahinuli try čałavieki
Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet
Izrail zabiŭ kiraŭnika iranskaj raźviedki i jahonaha namieśnika
Tehieran haryć. Izrailskija źniščalniki praciahvajuć udary, pakul SPA Irana biaśsilnaja
Detali apieracyi «Masada»: Izrail niekalki miesiacaŭ tajemna pryvoziŭ zapčastki dla dronaŭ i bojeprypasy ŭ Iran
Kamientary