Пасля адхілення Іранам ультыматуму Трампа ЗША пасылаюць на Блізкі Усход трэці авіяносец
ЗША вырашылі перакінуць на Блізкі Усход яшчэ адзін — ужо трэці — авіяносец на фоне росту напружання паміж Іранам і Ізраілем. Як паведамляе CNN са спасылкай на крыніцы ў Пентагоне, гэтае рашэнне было прынята пасля таго, як кіраўнік Ірана аятала Алі Хаменеі адмовіўся прыняць «безумоўную капітуляцыю», якой патрабаваў Дональд Трамп.
У рэгіён накіроўваецца самы дарагі авіяносец ЗША — Gerald R. Ford, які каштуе $13 мільярдаў. Гэты «плывучы горад» мае дзве ядзерныя ўстаноўкі, развівае хуткасць да 56 км/г і можа браць на борт каля 90 самалётаў і верталётаў (у тым ліку F-35), а таксама больш за 4000 чалавек экіпажу. Карабель узброены сістэмамі супрацьпаветранай абароны і зенітнымі комплексамі.
Раней у рэгіён ужо былі накіраваныя іншыя авіяносцы — Nimitz і Carl Vinson — разам з суправаджальнымі караблямі, ракетнымі крэйсерамі і эсмінцамі з «Тамагаўкамі». Усё гэта стварае моцную ўдарную групу.
Акрамя таго, ЗША адправілі дадатковыя знішчальнікі F-16, F-22 і F-35 і перакінулі з Еўропы самалёты-запраўшчыкі, каб падтрымліваць паветраную аперацыю.
Трамп 18 чэрвеня чарговы раз заявіў, што Іран павінен «проста здацца», і прыгразіў ударамі па вайсковых і ядзерных аб’ектах краіны, падкрэсліўшы, што амерыканцы «цалкам кантралююць неба над Іранам».
Прынц Рэза Пехлеві выступіў з відэазваротам да народа Ірана, заклікаў да паўстання
Хто такі Вярхоўны лідар Ірана аятала Алі Хаменеі і наколькі ўплывовая яго сям'я
ЗША перамяшчаюць вайсковыя самалёты ў рэгіён Міжземнага мора
Фардо — галоўны ядзерны аб’ект Ірана. Што пра яго вядома?
На працягу двух сутак ЗША прымуць рашэнне аб магчымым далучэнні да ваенных дзеянняў супраць Ірана
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця6
Каментары