Palityk Aleh Hajdukievič raskrytykavaŭ modu siarod chłopcaŭ na sacsietki, dohlad za saboj i niapravilnuju stratehiju pavodzin ź dziaŭčatami.
«Chłopiec pavinien być mužykom. Nie dupu svaju ŭ tyktok vykładać, prabačcie…» — zajaviŭ Hajdukievič, jakomu surjoznuju słavu prynios post na samaj spravie nie z dupaj.
«Kali mužčyna kožny dzień vykładaje svaje fatahrafii ŭ Facebook, Instagram, Telegram — kali tolki heta nie jaho prafiesija (jak u deputata, palityka)… Voś ja — palityk, heta maja prafiesija, — patłumačyŭ Hajdukievič svaju aktyŭnaść i toje, što jon vykładaje ŭ siecivie.
«Kali mužyk hladzicca ŭ lusterka pa 30 chvilin, namazvajecca hetymi kremami, zmorščynki svaje razhladaje — jamu tam 35 hadoŭ, a jon: «Zmorščynka, Boža moj!» — dyk heta nie mužyk, heta łajno», — pierakanany jon.
Dziaŭčatam jon raić biehčy ad takich chłapcoŭ, a samim chłapcam — zaniacca sportam, iści «ŭ armiju, u MUS słužyć».
«A nie tyktoki hetyja zdymać biaskonca. Heta ž intelektualna, značyć, horš robicca, zamianiajecca…
Mužyki ž maładyja, chłopcy… Im užo dziaŭčyna nie patrebna, seks nie patrebny, ničoha nie treba. Jon siadzić, pahladzieŭ parnušku, zapisaŭ tyktok, paličyŭ łajki. Pahladzieŭ: 10 dziaŭčat pastavili łajk — usio, možna spakojna žyć. To bok jamu ničoha nie treba — ni spatkańniaŭ, ni sustreč. Voś, dziaŭčaty, biažycie ad takich», — zaścierahaje Hajdukievič.
Samomu palityku sapraŭdnuju słavu prynieśli mienavita sacsietki.
U svaim kanale spojler u prezidenty Aleh Hajdukievič apublikavaŭ dykpik: u stužcy, jakaja ŭ asnoŭnym składałasia z repostaŭ łukašysckaj prapahandy, było apublikavanaje fota erehavanaha čelesa.
Ciapier čytajuć
28‑hadovaj biełaruscy paśla žudasnaj avaryi ŭ Tajłandzie nie mohuć akazać dapamohu — niama patrebnaj kryvi1
Kamientary