Pamior akcior Mahiloŭskaha abłasnoha teatry dramy i kamiedyi imia Dunina-Marcinkieviča ŭ Babrujsku Hienadź Traćciakoŭ. Jamu było 83 hody, a viadomy jon byŭ siarod inšaha tym, što aktyŭna zdymaŭsia ŭ rasijskich sieryjałach.
Hienadź Traćciakoŭ naradziŭsia ŭ Sibiry, a vučyŭsia na akciorskim adździaleńni Dziaržaŭnaha instytuta teatralnaha mastactva (HITIS) u Maskvie. Paśla jaho zakančeńnia pa raźmierkavańni trapiŭ u Babrujsk i pracavaŭ tam da kanca žyćcia.
Akramia taho, šmat zdymaŭsia ŭ kino i ŭ telesieryjałach. Tak, Traćciakoŭ vykanaŭ siarod inšaha roli ŭ takich filmach i sieryjałach, jak «Mužčyny nie płačuć», «Vaš honar», »Volf Miesinh: bačyŭ skroź čas», «Detektyŭnaje ahienctva «Ivan dy Marja», a taksama «Insajt» i «Siamiejny detektyŭ».
«Daskanała čytaŭ vieršy, vielmi lubiŭ ruskuju i biełaruskuju kłasiku. Sam staviŭ śpiektakli ŭ narodnym teatry i kansultavaŭ režysioraŭ u teatry-studyi SAN LE. Paśla zakančeńnia kantraktu ŭ teatry staŭ vystupać indyvidualna na kancertach. Vioŭ aktyŭnaje hramadskaje žyćcio: vystupaŭ u ahitbryhadach, scenkach, śpiektaklach, zachaplaŭsia sportam, hulaŭ u šaški, zajmaŭsia dačaj», — napisali pra jaho ŭ vydańni «Viečiernij Bobrujsk».
Kamientary
Ja taksama viedaŭ takoja čalavieka. Jon chadziŭ na rabotu (i rabiŭ heta 50 hadoŭ zapar, što zafiksavana ŭ pracoŭnaj knižcy, a što nie zafiksavana - taksama bylo rabotaj), huliaŭ u šaški (i karty jašče), zajmsŭsia dačaj, vioŭ aktyŭnaje žyccio, paliŭ tytuņ i vypivaŭ. Voś i ŭsio...