Kanstancin Charytaniuk i Uładzimir Čaravač adpracavali tam pa 7‑8 hadoŭ.
U składzie Viarchoŭnaha suda Biełarusi adbylisia kadravyja źmieny. 10 sudździaŭ vyzvalenyja ad pasad, ź ich dvoje — pa ŭłasnym žadańni. Heta Kanstancin Charytaniuk i Uładzimir Čaravač.
Kanstancinu Charytaniuku 43 hady, jon z Bresta. Skončyŭ jurydyčny fakultet Bresckaha dziaržaŭnaha ŭniviersiteta, pracavaŭ u rodnym horadzie advakatam. U 2008‑m pierajšoŭ u sudovuju sistemu. Pracavaŭ u sudzie Maskoŭskaha rajona Bresta, paśla ŭ Bresckim abłasnym sudzie. Z 2018 hoda Charytaniuka zabrali ŭ Viarchoŭny sud. Spačatku jon adkazvaŭ za ekanamičnyja spravy, a apošnija paŭtara hoda — za spravy intelektualnaj ułasnaści. Za košt takoj śpiecyjalizacyi, chutčej za ŭsio, nie zaplamiŭ siabie palityčnymi prysudami. Prynamsi ŭ pravaabaroncaŭ niama infarmacyi pra jaho ŭdzieł u palityčnych pracesach.
Uładzimiru Čaravaču 66 hadoŭ. Tym nie mienš farmalna jon taksama zvolniŭsia pa ŭłasnym žadańni. Čaravača pryznačyli ŭ Viarchoŭny sud u 2017 hodzie, pierad tym jon byŭ deputatam Pałaty pradstaŭnikoŭ. Jašče raniej uznačalvaŭ sud Kastryčnickaha rajona Minska. Čaravač u Viarchoŭnym sudzie razhladaŭ dziasiatki apielacyj pa palityčnych prysudach, pakidajučy ich bieź źmienaŭ.
Aproč ich, pakinuli Viarchoŭny sud jašče vosiem sudździaŭ. Andrej Kavalčuk i Taćciana Prataščyk pierajšli ŭ Kanstytucyjny sud, Juryj Kobiec znajšoŭ inšuju pracu, a Andrej Aleščanka, Śviatłana Dubaj, Valancina Kulik, Hanna Sakałoŭskaja i Žanna Škurdziuk vyjšli ŭ adstaŭku.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary