Rasija KABami atakavała adnu z hałoŭnych daroh Charkava. Zahinuli dva čałavieki
Siońnia, 26 śniežnia, rasijskija vojski nanieśli avijaŭdar pa Charkavie, vykarystaŭšy try kiravanyja bomby. Adna ź ich trapiła niepasredna na prajeznuju častku ŭ Šaŭčenkaŭskim rajonie — adnoj z samych zaludnienych mahistralaŭ horada. Astatnija dźvie bomby ŭpali za miežami Charkava.
Na hety momant viadoma pra dvuch zahinułych mužčyn. Jašče vosiem čałaviek paranieny. Siarod paranienych — dzieviacimiesiačnaja dziaŭčynka, jakaja atrymała traŭmy łba ad askołkaŭ škła. Jaje razam z maci špitalizavali dla abśledavańnia.
Niekalki mašyn zaharelisia adrazu paśla vybuchu, ludzi ŭ ich apynulisia ŭ pastcy. Vybuchovaj chvalaj paškodžana kala 20 žyłych budynkaŭ, u čatyroch ź ich surjozna razburany dachi. Pierabity hazapravod i paškodžana kantaktnaja sietka tramvaja.
Kiraŭnik abłasnoj prakuratury Amil Amaraŭ paviedamiŭ, što rasijanie vykarystoŭvali madyfikavanyja bomby UMPB-5, zapuščanyja ź Biełharodskaj vobłaści. Hety typ bojeprypasaŭ dazvalaje bić na vialikija adlehłaści.
Kamunalnyja słužby horada płanujuć pracavać usiu noč, kab zakryć raźbityja vokny i adnavić aciapleńnie ŭ paškodžanych damach, pakolki ŭ Charkavie zaraz staić chałodnaje nadvorje. Mer horada Ihar Cierachaŭ padkreśliŭ, što hałoŭnaja zadača — nie pakinuć ludziej bieź ciapła.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary