«Mara ŭ nas adna — kab jon skanaŭ». Zialenski sardečna pavinšavaŭ z Rastvom
Prezident Ukrainy ŭ kaladnym zvarocie raspavioŭ pra tradycyjnaje pavierje, zhodna ź jakim u kaladnuju noč ščyraje žadańnie moža być pačuta Boham i jakoje abaviazkova ździejśnicca.
«Darahi narodzie, zdaŭna ŭkraincy vieryli, što ŭ noč na Rastvo adkryvajucca niabiosy, i kali raskazać svaju maru, to jana ździejśnicca.
Siońnia mara ŭ nas usich adna. I žadańnie my zahadvajem adno na ŭsich. «Kab jon skanaŭ!», — skaža kožny sabie, ale kali my źviartajemsia da Boha, viadoma ž, prosim šyrej. Prosim miru dla Ukrainy. My zmahajemsia za heta. I molimsia za heta. I my hetaha zasłuhoŭvajem», — adznačyŭ Zialenski.
Havorka, vidavočna, pra Uładzimira Pucina, jaki ŭžo amal čatyry hady viadzie vajnu suprać Ukrainy, jakaja zabivaje ŭkraincaŭ.
«Napiaredadni Rastva ruskija čarhovy raz pakazali svoj tvar — sotni šachiedaŭ, tak bjuć biazbožniki, jakija nie majuć ničoha supolnaha z chryścijanstvam. Ale my trymajemsia, my molimsia za tych, chto na froncie, chto ŭ pałonie — kab jany viarnulisia žyvymi», — dadaŭ jon.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4848
Kamientary