«Cudu nie adbyłosia». Kaciaryna Vadanosava raskazała, što jaje maci ŭ krytyčnym stanie
U maci televiadoŭcy i śpiavački Kaciaryny Vadanosavaj — Neli Vadanosavaj — 23 śniežnia adbyłosia krovaźlićcio ŭ mozh. Kaciaryna raskazała ŭ fejsbuku, što stan jaje maci vielmi ciažki.
«Maja maci pamiraje. Cudu nie adbyłosia.
Jana tak i nie pryjšła ŭ siabie. Pazaŭčora jaje padklučyli da aparatu štučnaj vientylacyi lohkich i da inšych sistem zabieśpiačeńnia žyćciadziejnaści. Ale mozh paškodžany niezvarotna, u nas zastaŭsia tolki adziny šlach.
Ja nie viedaju, kolki ŭ mianie zastałosia času. Moža, 5 chvilin, moža, 5 dzion, pakul jaje cieła jašče prymaje kisłarod», — piša Kaciaryna.
Praz hadzinu paśla insultu žančynu pavieźli na apieracyju. Joj praz sasud dastali tromb.
«Ale cudu nie adbyłosia. Pałova jaje mozhu zalitaja kryvioj. Heta niezvarotna.
Pakul ja 7 hadzin čakała, ja pazvaniła ŭ Pietra miedyku, jakaja apiakujecca ŭciekačami ŭ čakańni mižnarodnaj achovy. Tam skazali, što ŭžond u spravach uciekačoŭ nie ŭnios maju maci ŭ bazu zabiaśpiečanych strachoŭkaj. Da paniadziełka va ŭžondzie nikoha niama — śviaty. Pavodle zakonu maja maci musić być zabiaśpiečanaja, ale z-za biurakratyi heta nie tak.
Ja nie viedaju, ci zmahu damahčysia jaje zabieśpiačeńnia. Ja nie viedaju, ci budzie jana žyvaja da paniadziełka. Rachunak za apieracyju dy inšyja manipulacyi — ad dziasiatkaŭ da socień tysiač złotych. Nie viedaju pakul dakładna, ale ličby takija.
I mnie treba rychtavacca da raźvitańnia», — napisała Kaciaryna.
Maci televiadoŭcy bolš za hod tamu vyjechała ź Biełarusi praź cisk z boku KDB i padałasia na mižnarodnuju abaronu. Apošnim časam jana žyła razam ź siamjoj dački ŭ Biełastoku.
Uvosień polskaja pamiežnaja słužba pryniała pastanovu ab jaje departacyi ŭ Litvu praź biurakratyčnyja nieparazumieńni: ułady nie ŭličyli, što sprava ab mižnarodnaj abaronie jašče razhladałasia i byŭ pryznačany sud. Paźniej departacyju admianili.
Pryčynaj pahrozy vysyłki stała toje, što žančyna ŭjechała ŭ Polšču ź litoŭskaj vizaj. Heta źviazana z tak zvanym Dublinskim rehłamientam, jaki vyznačaje, jakaja kraina niasie adkaznaść za razhlad chadajnictva ab prytułku abo mižnarodnaj achovie.
Padtrymać Kaciarynu Vadanosavu možna tut.
Ciapier čytajuć
Prapahanda pryčapiłasia da «darahoha» hadzińnika Łatuški. Toj raskazaŭ, što heta za madel nasamreč37
Kamientary
Nie nado śpiešiť s opłatoj... PRositiel ubiežiŝa sčitajetsia zastrachovannym v NFZ , a tut pochožie po dohovoru s Pietra miedikoj s momienta podači Zajavlenija. V poniedielnik vsio sdiełajut, nužno tolko napomniť.