Kačanava: Minsk — adzin z samych kamfortnych haradoŭ u śviecie, tut usio harmanična
Staršynia Savieta Respubliki praśpiavała odu stalicy Biełarusi.
Staršynia Savieta Respubliki Natalla Kačanava naradziłasia ŭ Połacku, darosłaje žyćcio praviała ŭ Połacku i Navapołacku, a 11 hadoŭ tamu pierabrałasia ŭ Minsk. Čynoŭnica zapeŭnivaje, što joj padabajecca absalutna ŭsio.
«Ja vielmi lublu Minsk. Jak jaho nie lubić, kali heta stalica majoj radzimy, rodnaj Biełarusi? Heta pryhožy, dahledžany horad… Ja praktyčna ŭsio śviadomaje žyćcio pražyła nie tut, a ŭ rehijonie. Ale ŭžo 11 hadoŭ žyvu i pracuju ŭ Minsku. Horad źmianiajecca, jon pieraŭtvarajecca. Heta śvietły, vielmi pryhožy horad, kamfortny dla pražyvańnia. Ja dastatkova časta byvała ŭ roznych krainach, bačyła mnohija stalicy śvietu. U kožnaj svaje asablivaści, svaje architekturnyja, histaryčnyja abjekty. Ale horad Minsk, napeŭna, adroźnivajecca tym, što jon kamfortny dla pražyvańnia.
Heta kaža pra toje, što tut kłapociacca pra ludziej. Minsk — heta nie miehapolis u čystym vyhladzie ź vielizarnaj kolkaściu aŭtamabilaŭ, transpartnych raźviazak, budynkaŭ. Tut usio harmanična. Sučasnyja abjekty, histaryčnyja vulicy, praśpiekty…», — raskazała jana ŭ efiry «Radyjo Minsk».
U siaredzinie 2010‑ch Kačanavaj dali ziamlu ŭ Drazdach-2, elitnym rajonie Minska. Jana pabudavała dom i pierapisała jaho na dźviuch svaich dačok. Takija katedžy kaštujuć kala $1 miljona.
Kamientary
Točnieje,žizń priedannych kołchoźnic i kołchoźnikov svojemu kołchoziehfiurieru,da,komfortnaja.