Japonski mietad 6 — 6 — 6 dapamahaje źnizić stres i padtrymać formu
U śviecie, dzie fitnies časta asacyjujecca z vysokimi nahruzkami, japonski padychod prapanuje supraćlehłaje: rytm, rehularnaść i ŭmieranaść. Mietad chadźby 6-6-6, jaki nabiraje papularnaść u Azii i Jeŭropie, pakazvaje, što efiektyŭnaja fizičnaja aktyŭnaść nie abaviazkova musić być stomnaj — i moža adnačasova źnižać stres, padtrymlivać psichičnaje zdaroŭje i spryjać źnižeńniu vahi.
Jak piša Well.pl, nazva mietadu adsyłaje da jaho prostaj, ale łahična vybudavanaj struktury.
Treniroŭka pačynajecca z karotkaj raźminki, jakaja doŭžycca šeść chvilin i dazvalaje pastupova padvysić puls, padrychtavać serca i sasudy da dalejšaj nahruzki.
Asnoŭnuju častku składajuć 60 chvilin enierhičnaj chadźby va ŭstojlivym tempie, jakaja zabiaśpiečvaje arhanizm nieabchodnaj aerobnaj aktyŭnaściu.
Zaviaršajecca špacyr šaściu chvilinami spakojnaha ruchu, što dapamahaje ciełu viarnucca da fizijałahičnaj raŭnavahi i źnizić uzrovień napružańnia.
Časta mietad praktykujuć ranicaj abo ŭviečary — kala šostaj hadziny, a sam špacyr paŭtarajuć šeść razoŭ na tydzień. Adnak strohaj pryviazki da času nie isnuje: 6-6‑6 lohka adaptavać pad indyvidualny rasparadak dnia, što i robić jaho pryvabnym dla ludziej z nasyčanym hrafikam.
Pa svajoj sutnaści heta paŭnavartasnaja fizičnaja aktyŭnaść, jakaja nie patrabuje spartyŭnaj formy, śpiecyjalnaha ryštunku abo adviedzienaha miesca. Taki špacyr možna sumiaścić z darohaj na pracu, sustrečaj ci zvyčajnym viartańniem dadomu.
Što kažuć daśledavańni
U siarednim hadzina enierhičnaj chadźby — heta kala piaci z pałovaj tysiač krokaŭ, što składaje bolš za pałovu minimalnaj dzionnaj normy, jakuju rekamiendujuć dla ofisnych rabotnikaŭ. Pry hetym arhanizm atrymlivaje raŭnamiernuju nahruzku biez rezkich skačkoŭ pulsu i praźmiernaha cisku na sustavy. Mienavita tamu chadźba ŭsio čaściej razhladajecca navukoŭcami jak adna z najbolš niedaacenienych form fizičnaj aktyŭnaści.
Daśledavańni apošnich hadoŭ pakazvajuć, što rehularnyja prahułki zdolnyja zapavolvać pracesy stareńnia, źnižać ryzyku raźvićcia hipiertanii, chraničnych zachvorvańniaŭ i niekatorych ankałahičnych chvarob, a taksama palapšać jakaść snu. Asablivuju ŭvahu daśledčyki nadajuć upłyvu chadźby na psichičnaje zdaroŭje.
Analiz źviestak śviedčyć, što kala dźviuch z pałovaj hadzin enierhičnaj chadźby na tydzień istotna źnižajuć ryzyku depresii. Hadzina ruchu ŭ tempie prykładna vosiem kiłamietraŭ za hadzinu moža spalić da šaścisot kałoryj. Dla paraŭnańnia paŭhadziny lohkaha biehu spalvaje ŭ siarednim 300—350 kałoryj, ale z kudy bolšym stresam dla arhanizma.
Čamu 6-6‑6 pasuje sučasnamu ładu žyćcia?
Choć mnohija dahetul nie ŭsprymajuć špacyr jak «sapraŭdny» sport, mienavita jon moža stać ustojlivaj zvyčkaj dla tych, chto nie lubić spartzały abo intensiŭnyja treniroŭki. Hałoŭnyja vartaści mietadu — hnutkaść i minimalizm. Mietad 6-6‑6 nie abiacaje imhniennaj transfarmacyi cieła. Zatoje jon prapanuje niešta značna bolš kaštoŭnaje i doŭhaterminovaje — stabilnaje samaadčuvańnie, lepšuju fizičnuju formu i bolš jasnuju hałavu ŭ štodzionnym žyćci.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary
Dvižienije 8 km/č eto bieh!, a nie chod́ba. I da, jeśli priniať, čto čas bieha sžihajet 600 kk (kiłokałorij, a nie prosto kałorij - srazu vidno, čto pisali profieśsionały), to połčasa bieha, sootvietstvienno, sožžiot połovinu ot 600, t.ie. 300 kk.