Zahinuŭ kamandzir Ruskaha dobraachvotnickaha korpusa Dzianis Kapuścin
Pryčynaj hibieli 41‑hadovaha kamandzira staŭ prylot FPV-drona na zaparožskim kirunku.
Na froncie zahinuŭ Dzianis Kapuścin, kamandzir Ruskaha dobraachvotnickaha korpusa — farmavańnia ruskich nacyjanalistaŭ, jakija vajujuć na baku Ukrainy.
Jak paviedamili ŭ samim farmavańni, Kapuścin zahinuŭ u noč na 27 śniežnia na zaparožskim kirunku. Papiaredniaja pryčyna śmierci — prylot bieśpiłotnika padčas bajavoha zadańnia.
Dzianis Kapuścin naradziŭsia ŭ 1984 hodzie ŭ Maskvie. Kali jamu było 17 hadoŭ, siamja pierajechała ŭ Kioln. Ličycca, što repatryjacyja Kapuścinych adbyvałasia praz habrejskaje pachodžańnie.
Dzianis byŭ fanatam maskoŭskaha CSKA, ultrapravym aktyvistam, zajmaŭsia spartyŭnymi adzinaborstvami. Palicyja ziamli Paŭnočy Rejn-Viestfalija ličyła jaho adnym z samych upłyvovych nieanacysckich aktyvistaŭ, sam jon u darosłym uzroście admaŭlaŭ nieanacysckija pohlady.
Padtrymaŭ Majdan, z 2017 hoda žyŭ va Ukrainie.
U 2019 Hiermanija pazbaviła Kapuścina dazvołu na žycharstva i zabaraniła jamu ŭjezd u Šenhien.
U 2022 hodzie zasnavaŭ va Ukrainie Ruski dobraachvotnicki korpus.
U Rasii zavočna prysudžany da pažyćciovaha źniavoleńnia.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary