Прычынай гібелі 41‑гадовага камандзіра стаў прылёт FPV-дрона на запарожскім кірунку.
На фронце загінуў Дзяніс Капусцін, камандзір Рускага добраахвотніцкага корпуса — фармавання рускіх нацыяналістаў, якія ваююць на баку Украіны.
Як паведамілі ў самім фармаванні, Капусцін загінуў у ноч на 27 снежня на запарожскім кірунку. Папярэдняя прычына смерці — прылёт беспілотніка падчас баявога задання.
Дзяніс Капусцін нарадзіўся ў 1984 годзе ў Маскве. Калі яму было 17 гадоў, сям'я пераехала ў Кёльн. Лічыцца, што рэпатрыяцыя Капусціных адбывалася праз габрэйскае паходжанне.
Дзяніс быў фанатам маскоўскага ЦСКА, ультраправым актывістам, займаўся спартыўнымі адзінаборствамі. Паліцыя зямлі Паўночы Рэйн-Вестфалія лічыла яго адным з самых уплывовых неанацысцкіх актывістаў, сам ён у дарослым узросце адмаўляў неанацысцкія погляды.
Падтрымаў Майдан, з 2017 года жыў ва Украіне.
У 2019 Германія пазбавіла Капусціна дазволу на жыхарства і забараніла яму ўезд у Шэнген.
У 2022 годзе заснаваў ва Украіне Рускі добраахвотніцкі корпус.
У Расіі завочна прысуджаны да пажыццёвага зняволення.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу2
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1717
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх17
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары