«Na siońnia mahčymaja spraviadlivaja viersija — staim tam, dzie staim». Zialenski vykazaŭsia nakont terytaryjalnaha pytańnia
Prezident Ukrainy Uładzimir Zialenski zajaviŭ, što mahčymy kampramis z Rasijaj u terytaryjalnym pytańni na siońnia ŭ zamacavańni situacyi pa linii sudakranańnia. Pra heta jon paviedamiŭ, adkazvajučy na pytańni žurnalistaŭ, piša «Ukrinfarm».
Sa słoŭ Zialenskaha, najbolš spraviadlivy varyjant ciapier — zastavacca tam, dzie baki znachodziacca faktyčna.
«Na moj pohlad, na siońnia mahčymaja spraviadlivaja viersija — staim tam, dzie staim. Heta kantaktnaja linija ŭ lubym rehijonie našaj dziaržavy. […] Heta značyć rasiejcy, što tyčycca Danbasa, buduć stajać na časova akupavanaj častcy našych Danieckaj i Łuhanskaj abłaściej, i viartać takija terytoryi my možam tolki dypłamatyčnym šlacham. A my budziem stajać i žyć na toj častcy Danbasa, jakuju kantraluje ŭkrainskaja ŭłada».
Zialenski padkreśliŭ, što dla Ukrainy pryncypova važna nie stracić kantrol nad terytoryjami, jakija jana ŭtrymlivaje ciapier. Pry hetym jon adznačyŭ, što sama prysutnaść rasijskaha vojska na ŭkrainskaj ziamli źjaŭlajecca niespraviadlivaj.
Prezident Ukrainy taksama paviedamiŭ, što Rasija patrabuje ad Ukrainy vyvieści svaje vojski z Danieckaj vobłaści. Adnak, pavodle jahonych słoŭ, Ukraina nie moža pajści na niekanstytucyjnyja kroki i pakinuć ułasnyja terytoryi, i ni ŭłada, ni narod krainy nie majuć takoha žadańnia.
Zialenski adznačyŭ, što ZŠA šukajuć mahčymyja kampramisy i prapanoŭvali ideju svabodnaj ekanamičnaj zony biez vojskaŭ i ciažkaha ŭzbrajeńnia. Adnak ukrainski bok nie vieryć u biaśpieku takoha varyjantu, bo isnuje ryzyka, što rasijskaje vojska ŭ kožny momant znoŭ uvojdzie na hetyja ziemli.
Zialenski padkreśliŭ, što luboje raźviadzieńnie sił mahčyma tolki na roŭnych umovach: kali adzin bok adychodzić na peŭnuju adlehłaść, to i druhi pavinien zrabić toje samaje. Tolki tady moža źjavicca niejkaja bufiernaja zona, ale da hetaha jašče daloka.
Tamu najbolš sumlenny i realistyčny varyjant, na dumku Zialenskaha, — zastavacca na ciapierašnich pazicyjach.
Taksama jon zajaviŭ, što kali pytańnie stvareńnia svabodnaj ekanamičnaj zony ŭsio ž budzie razhladacca, to kančatkovuju pastanovu pavinien prymać narod Ukrainy.
«Ja tolki za»: Zialenski nazvaŭ hałoŭnyja ŭmovy dla praviadzieńnia vybaraŭ va Ukrainie
Zialenski: Ukraina viedaje, dzie ŭ Biełarusi budzie raźmieščany «Arešnik», i pieradaje danyja partnioram
Pucin prakamientavaŭ videa Zialenskaha z Kupianska, jaki rasiejcy abvieścili akupavanym
Paplečnik Zialenskaha pra pieramovy: Damova budzie abo drennaja, abo vielmi drennaja, abo jaje nie budzie
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja4
Kamientary
-Chto vieryć, što Maskva pahadzicca na takija umovy i padpiša mirnuju damovu?
Mienavita ja z takoje nie vieru, tamu pry takich umovach vajna budzie praciahvacca.
- Pry jakich umovach Maskva moža spynicca? Albo kali zachopić Danbas, albo kali USU ich razabje.
-Atrymlivajecca, maje sens praciahvać vajnu tolki tady, kali jość mahčymaść raźbić armiju RF. Mienavita ja, nie baču na ciapierašni čas takoj mahčymaści ŭ USU.
Vysnovy rabicie sami.
Eto niepravda, potomu čto pričina vojny nie v tierritorialnom sporie za Donbass. Otdať Donbass - eto liš sposob pribliziť rośsijskije vojska k Kijevu