Pucin prakamientavaŭ videa Zialenskaha z Kupianska, jaki rasiejcy abvieścili akupavanym
«Nu čaho stajać na parozie? Zachodź u dom».
Padčas siońniašniaj pramoj linii Pucina žurnalist zadaŭ jamu pytańnie pra videa Uładzimira Zialenskaha z Kupianska, jaki Rasija abvieściła akupavanym. Toje videa rasijskaja prapahanda nazyvała starym, a vizit — insceniroŭkaj.
«Kali heta sapraŭdy fejk, to jak ža Zialenski moh advažycca voś na padłoh takoha maštabu ŭ hety adkazny momant?» — spytaŭ rasijski žurnalist.
«Ja nie viedaju, ja za hetym nie saču. Jon ža artyst. I artyst talenavity. Ja kažu biez anijakaj ironii. My viedajem heta i pa jaho filmach u raniejšyja časy. Tamu tut ničoha niezvyčajnaha niama. Nu, kažuć, što steła zaraz zusim pa-inšamu vyhladaje. Ale reč nie ŭ hetym. Steła znachodzicca ad samoha horada niedzie na adlehłaści kiłamietra prykładna. Nu čaho stajać na parozie? Zachodź u dom. Pravilna?» — vykazaŭsia Uładzimir Pucin.
Nahadajem, 12 śniežnia Zialenski vykłaŭ videa kala ŭjezdu ŭ Kupiansk. Jano było źniataje na telefon iPhone17 Pro, jaki źjaviŭsia ŭ prodažy niekalki miesiacaŭ nazad. Zialenski paviedamiŭ pra naviedvańnie pieradavoha kamandnaha punkta 14‑j asobnaj miechanizavanaj bryhady. Pavodle źviestak OSINT-daśledčykaŭ, miesca zdymkaŭ znachodziłasia ŭ niepasrednaj blizkaści da frontu: prykładna za 1,15 km ad rasijskich pazicyj i ŭsiaho za 500 mietraŭ ad tak zvanaj «šeraj zony».
Da jaho pryjezdu rasijanie zajaŭlali pra akružeńnie horada. Paźniej stała viadoma, što ŭkraincy kontratakavali pad Kupianskam, rasijskija vojski trapili ŭ akružeńnie. U vyniku paśpiachovaj apieracyi ŭkrainskich Sił abarony praciŭnik byŭ zabłakavany ŭ Kupiansku i začyščanaja ŭsia paŭnočna-zachodniaja ŭskraina horada.
Paśla vizitu Zialenskaha ŭ Kupiansk źjeździli i dźvie ŭkrainki i vykłali videa.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary