«На сёння магчымая справядлівая версія — стаім там, дзе стаім». Зяленскі выказаўся наконт тэрытарыяльнага пытання
Прэзідэнт Украіны Уладзімір Зяленскі заявіў, што магчымы кампраміс з Расіяй у тэрытарыяльным пытанні на сёння ў замацаванні сітуацыі па лініі судакранання. Пра гэта ён паведаміў, адказваючы на пытанні журналістаў, піша «Укрінфарм».
Са слоў Зяленскага, найбольш справядлівы варыянт цяпер — заставацца там, дзе бакі знаходзяцца фактычна.
«На мой погляд, на сёння магчымая справядлівая версія — стаім там, дзе стаім. Гэта кантактная лінія ў любым рэгіёне нашай дзяржавы. […] Гэта значыць расейцы, што тычыцца Данбаса, будуць стаяць на часова акупаванай частцы нашых Данецкай і Луганскай абласцей, і вяртаць такія тэрыторыі мы можам толькі дыпламатычным шляхам. А мы будзем стаяць і жыць на той частцы Данбаса, якую кантралюе ўкраінская ўлада».
Зяленскі падкрэсліў, што для Украіны прынцыпова важна не страціць кантроль над тэрыторыямі, якія яна ўтрымлівае цяпер. Пры гэтым ён адзначыў, што сама прысутнасць расійскага войска на ўкраінскай зямлі з’яўляецца несправядлівай.
Прэзідэнт Украіны таксама паведаміў, што Расія патрабуе ад Украіны вывесці свае войскі з Данецкай вобласці. Аднак, паводле ягоных слоў, Украіна не можа пайсці на неканстытуцыйныя крокі і пакінуць уласныя тэрыторыі, і ні ўлада, ні народ краіны не маюць такога жадання.
Зяленскі адзначыў, што ЗША шукаюць магчымыя кампрамісы і прапаноўвалі ідэю свабоднай эканамічнай зоны без войскаў і цяжкага ўзбраення. Аднак украінскі бок не верыць у бяспеку такога варыянту, бо існуе рызыка, што расійскае войска ў кожны момант зноў увойдзе на гэтыя землі.
Зяленскі падкрэсліў, што любое развядзенне сіл магчыма толькі на роўных умовах: калі адзін бок адыходзіць на пэўную адлегласць, то і другі павінен зрабіць тое самае. Толькі тады можа з’явіцца нейкая буферная зона, але да гэтага яшчэ далёка.
Таму найбольш сумленны і рэалістычны варыянт, на думку Зяленскага, — заставацца на цяперашніх пазіцыях.
Таксама ён заявіў, што калі пытанне стварэння свабоднай эканамічнай зоны ўсё ж будзе разглядацца, то канчатковую пастанову павінен прымаць народ Украіны.
«Я толькі за»: Зяленскі назваў галоўныя ўмовы для правядзення выбараў ва Украіне
Зяленскі: Украіна ведае, дзе ў Беларусі будзе размешчаны «Арэшнік», і перадае даныя партнёрам
Пуцін пракаментаваў відэа Зяленскага з Купянска, які расейцы абвесцілі акупаваным
Паплечнік Зяленскага пра перамовы: Дамова будзе або дрэнная, або вельмі дрэнная, або яе не будзе
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары
-Хто верыць, што Масква пагадзіцца на такія умовы і падпіша мірную дамову?
Менавіта я з такое не веру, таму пры такіх умовах вайна будзе працягвацца.
- Пры якіх умовах Масква можа спыніцца? Альбо калі захопіць Данбас, альбо калі УСУ іх разаб'е.
-Атрымліваецца, мае сэнс працягваць вайну толькі тады, калі ёсць магчымасць разьбіць армію РФ. Менавіта я, не бачу на цяперашні час такой магчымасці ў УСУ.
Высновы рабіце самі.
Это неправда, потому что причина войны не в территориальном споре за Донбасс. Отдать Донбасс - это лишь способ приблизить российские войска к Киеву