Pamior viadomy biełaruski historyk, doktar histaryčnych navuk, prafiesar histaryčnaha fakulteta BDU Uładzimir Sidarcoŭ. Jamu było 89 hadoŭ.
Uładzimir Sidarcoŭ naradziŭsia 9 listapada 1935 hoda ŭ vioscy Klimaŭka Homielskaj vobłaści. U 1958 hodzie skončyŭ histaryčny fakultet BDU, paźniej vučyŭsia ŭ aśpirantury ŭ Leninhradzie. Abaraniŭ kandydackuju i doktarskuju dysiertacyi, pryśviečanyja ŭdziełu rabočaha kłasa ŭ dziaržaŭnym kiravańni.
Bolšuju častku žyćcia pracavaŭ na histaryčnym fakultecie Biełaruskaha dziaržaŭnaha ŭniviersiteta. U 1992 hodzie staŭ zasnavalnikam i pieršym zahadčykam kafiedry krynicaznaŭstva na histfaku BDU.
U apošnija dziesiacihodździ najbolš cikaviŭsia pytańniami histaryjahrafii, mietadałohii historyi, psichahistoryi, histaryčnaj infarmatyki.
Napisaŭ kala 200 navukovych rabot, vychavaŭ dvuch daktaroŭ i 11 kandydataŭ navuk. Aŭtar i saaŭtar mnohich padručnikaŭ pa historyi dla siarednich škoł i VNU.
Siarod inšaha aŭtar knih «Mietodołohija istoričieskoho isśledovanija (miechanizm tvorčiestva istorika)» (2000), «Mietodołohija istorii: količiestviennyje mietody i informacionnyje tiechnołohii» (2003), «Narod vo Vtoroj mirovoj i Vielikoj Otiečiestviennoj vojnie: sinierhietičieskij vzhlad na istoriju» (2005) i inšych.
Kamientary