Złučanyja Štaty ŭzmacniajuć cisk na režym Nikałasa Madury. U subotu, 20 śniežnia, stała viadoma pra zachop čarhovaha sudna ŭ Karybskim mory. Heta adbyłosia praź niekalki dzion paśla taho, jak Donald Tramp abviaściŭ «poŭnuju błakadu» padsankcyjnych tankieraŭ, jakija pracujuć ź Vieniesuełaj.
Tankier Centuries išoŭ pad ściaham Panamy. Paviedamlajecca, što jon pieravoziŭ kala 1,8 młn barelaŭ vieniesuelskaj nafty marki Merey i nakiroŭvaŭsia ŭ Aziju.
Apieracyju ŭ mižnarodnych vodach praviała Bierahavaja achova ZŠA pry padtrymcy Pientahona. Ministarka ŭnutranaj biaśpieki Kryści Noem apublikavała videa, na jakim vidać vysadka desantu ź viertalotaŭ na pałubu karabla.
In a pre-dawn action early this morning on Dec. 20, the US Coast Guard with the support of the Department of War apprehended an oil tanker that was last docked in Venezuela.
The United States will continue to pursue the illicit movement of sanctioned oil that is used to fund… pic.twitter.com/nSZ4mi6axc
Pavodle źviestak ŚMI i marskich ekśpiertaŭ, mienavita hety tankier nie znachodziŭsia ŭ amierykanskich sankcyjnych śpisach, adnak ułady ZŠA vykarystoŭvali prava na ahlad praz padazreńni ŭ niezakonnaj dziejnaści.
Vieniesueła nazvała dziejańni ZŠA «mižnarodnym piractvam», «kradziažom» i «vykradańniem». Karakas aficyjna zajaviŭ, što budzie źviartacca ŭ Radu Biaśpieki AAN.
Vašynhton namahaje, što pieraśleduje naftu, jakaja, pavodle amierykanskaj starany, vykarystoŭvajecca dla finansavańnia «narkateraryzmu».
10 śniežnia ZŠA byŭ zachopleny tankier Skipper, jaki byŭ pad sankcyjami za suviazi ź Iranam.
16 śniežnia Tramp abviaściŭ pra «poŭnuju błakadu» ŭsich padsankcyjnych sudnaŭ i pryznaŭ urad Madury «zamiežnaj terarystyčnaj arhanizacyjaj».
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary
Tym bolš, hetaje sudna maje aficyjnuju pliacoūki, admyslova pryznačanuju dlia pasadki hielikoptara, dzie značna mienš niebiaspieki, a vysadku pravodzili ū zusim inšym miejscy, dzie mahčymasci znižennia dlia helikoptara vielmi abmiežavanyja...