Vieterana Biełaruskaha mietałurhičnaha zavoda asudzili. Mierkavana, za Hajuna
Dzianis Namieśnikaŭ 30 hadoŭ adpracavaŭ na žłobinskim zavodzie-hihancie. Ale niadaŭna jaho asudzili pa palityčnym artykule.
Dzianisu Namieśnikavu 51 hod. Jon rodam sa Žłobina, skončyŭ škołu №2 u 1991 hodzie. Mužčyna, kali mierkavać pa jaho sacsietkach, pad 30 hadoŭ addaŭ Biełaruskamu mietałurhičnamu zavodu. Dzianis pracavaŭ va ŭpraŭleńni aŭtamatyzacyi, jakoje adkazvaje za IT-technałohii i absłuhoŭvańnie ŭsioj kampjutarnaj techniki pradpryjemstva.
U volny čas Dzianis lubić palavać i byvać na pryrodzie. Z 1999 hoda mužčyna ŭ Žłobinskaj supołcy tavarystva palaŭničych i rybałovaŭ, maje adpaviednaje paśviedčańnie.
Niadaŭna Homielski abłasny sud pryznaŭ Namieśnikava vinavatym pavodle častak 1 i 2 artykuła 361‑4 KK (sadziejničańnie ekstremisckaj dziejnaści).
Zvyčajna pa hetym artykule sudziać za napisańnie paviedamleńniaŭ u čat-bot manitorynhavaha prajekta «Biełaruski Hajun».
Dzianisu prysudzili chatniuju chimiju.
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
Sprava Hajuna pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
Samu ž dziaŭčynu zatrymali praz toje, što jana była vymušanaja źviarnucca ŭ dziaržaŭnyja struktury, da miedykaŭ. U jaje chłopca, jaki chavaŭsia razam ź joj, pačalisia mocnyja prablemy sa zdaroŭjem na fonie aryštu jaho baćki.
Zasnavalnik Hajuna Anton Matolka adrazu paśla ŭzłomu patłumačyŭ, jak adbyŭsia vyciek infarmacyi i abviaściŭ pra zakryćcio prajekta.
«Naša Niva» — bastyjon biełaruščyny
PADTRYMAĆDaśviedčanaha prahramista ź litoŭskaj IT-kampanii asudzili ŭ Homieli za «sadziejničańnie ekstremizmu»
31‑hadovaha zavadčanina i aŭtamabilista z Rečycy asudzili za «sadziejničańnie ekstremizmu»
Sistemnaha administratara Biełaruskaj čyhunki i byłoha śpiecnazaŭca asudzili za palityku i abvieścili terarystam
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary