Pasoł Irana ŭ Maskvie abvierh infarmacyju pra znachodžańnie Chamieniei ŭ Rasii
Pasoł Irana ŭ Maskvie Kaziem Džałali źniapraŭdziŭ infarmacyju, što novy viarchoŭny lidar Madžtaba Chamieniei znachodzicca ŭ Rasii na lačeńni, paviedamlaje rasijskaje dziaržahienctva TASS.
Kuviejckaja hazieta Al-Jarida pisała, što 56‑hadovaha Madžtabu Chamieniei, jaki, jak miarkujecca, atrymaŭ ranieńni, pieravieźli ŭ Maskvu dla lačeńnia.
U Kramli admovilisia kamientavać hetu infarmacyju. Ciapier pasoł u Rasii vystupiŭ ź jaje abviaržeńniem.
«Siońnia navina ab pieravodzie Viarchoŭnaha lidara revalucyi ŭ Rasiju dla lačeńnia — heta novaja psichałahičnaja vajna. Iranskim lidaram nie treba biehčy i chavacca ŭ schoviščach, ich miesca — na vulicach siarod naroda», — skazaŭ iranski dypłamat.
Niahledziačy na adsutnaść lidara na publicy, aficyjny Tehieran nastojvaje na tym, što situacyja pad kantrolem. Ministr zamiežnych spraŭ Irana Abas Arahčy zapeŭniŭ, što Madžtaba Chamieniei znachodzicca «ŭ dobrym zdaroŭi» i całkam kiruje pracesami ŭ dziaržavie.
Tekst pieršaha zvarotu Chamieniei da naroda 12 sakavika začytaŭ dyktar iranskaha dziaržaŭnaha telebačańnia.
Kamientary