Пасол Ірана ў Маскве абверг інфармацыю пра знаходжанне Хаменеі ў Расіі
Пасол Ірана ў Маскве Казем Джалалі зняпраўдзіў інфармацыю, што новы вярхоўны лідар Маджтаба Хаменеі знаходзіцца ў Расіі на лячэнні, паведамляе расійскае дзяржагенцтва ТАСС.
Кувейцкая газета Al-Jarida пісала, што 56‑гадовага Маджтабу Хаменеі, які, як мяркуецца, атрымаў раненні, перавезлі ў Маскву для лячэння.
У Крамлі адмовіліся каментаваць гэту інфармацыю. Цяпер пасол у Расіі выступіў з яе абвяржэннем.
«Сёння навіна аб пераводзе Вярхоўнага лідара рэвалюцыі ў Расію для лячэння — гэта новая псіхалагічная вайна. Іранскім лідарам не трэба бегчы і хавацца ў сховішчах, іх месца — на вуліцах сярод народа», — сказаў іранскі дыпламат.
Нягледзячы на адсутнасць лідара на публіцы, афіцыйны Тэгеран настойвае на тым, што сітуацыя пад кантролем. Міністр замежных спраў Ірана Абас Арагчы запэўніў, што Маджтаба Хаменеі знаходзіцца «ў добрым здароўі» і цалкам кіруе працэсамі ў дзяржаве.
Тэкст першага звароту Хаменеі да народа 12 сакавіка зачытаў дыктар іранскага дзяржаўнага тэлебачання.
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары