«Nivodnaj malekuły». Jeŭrakamisija nie źbirajecca adstupać ad palityki admovy ad rasijskich resursaŭ
Jeŭrakamisija zajaviła, što nie budzie źmiakčać abmiežavańni na zakupku rasijskich enierharesursaŭ, niahledziačy na ciapierašni enierhietyčny kryzis. Jeŭrakamisar pa enierhietycy Dan Jorhiensen u kułuarach samitu jeŭrapiejskich ministraŭ enierhietyki ŭ Brusieli padkreśliŭ, što Jeŭrasajuz pryncypova admaŭlajecca ad nafty i hazu z Rasii, kab nie finansavać vajnu suprać Ukrainy.
Pa słovach Dana Jorhiensena, Jeŭropa zanadta doŭha zaležała ad rasijskich enierharesursaŭ, što dazvalała Maskvie vykarystoŭvać enierhietyku jak instrumient cisku. Tamu ES maje namier i nadalej źnižać zaležnaść i ŭ budučyni nie impartavać z Rasii «nivodnaj malekuły» enierharesursaŭ.
Niekatoryja krainy ES, u tym liku Vienhryja i Słavakija, praciahvajuć atrymlivać rasijskuju naftu i haz pa trubapravodach jak vyklučeńnie. Akramia taho, jeŭrapiejskija krainy jašče zakuplajuć zvadkavany pryrodny haz, ale płanujecca całkam admovicca ad impartu rasijskaha hazu da 2027 hoda.
Na fonie vajny na Blizkim Uschodzie Vienhryja i Słavakija prapanavali źmiakčyć abmiežavańni, a premjer-ministr Bielhii vykazaŭ mierkavańnie, što biez padtrymki ZŠA cisk na Rasiju nie vielmi efiektyŭny. Adnak kiraŭnictva ES ličyć, što viartańnie da zakupak rasijskaj nafty i hazu było b surjoznaj stratehičnaj pamyłkaj.
Paśla pačatku kanfliktu na Blizkim Uschodzie ceny na naftu i haz značna vyraśli: nafta Brent padniałasia bolš čym na 40% i kaštavała kala 102 dołaraŭ za baral, a haz u Jeŭropie padaražeŭ prykładna na 60%. Niahledziačy na heta, u Jeŭrasajuzie zajaŭlajuć, što nie płanujuć adstupać ad svajoj palityki enierhietyčnaj niezaležnaści ad Rasii.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary