«Ніводнай малекулы». Еўракамісія не збіраецца адступаць ад палітыкі адмовы ад расійскіх рэсурсаў
Еўракамісія заявіла, што не будзе змякчаць абмежаванні на закупку расійскіх энергарэсурсаў, нягледзячы на цяперашні энергетычны крызіс. Еўракамісар па энергетыцы Дан Ёргенсэн у кулуарах саміту еўрапейскіх міністраў энергетыкі ў Бруселі падкрэсліў, што Еўрасаюз прынцыпова адмаўляецца ад нафты і газу з Расіі, каб не фінансаваць вайну супраць Украіны.
Па словах Дана Ёргенсэна, Еўропа занадта доўга залежала ад расійскіх энергарэсурсаў, што дазваляла Маскве выкарыстоўваць энергетыку як інструмент ціску. Таму ЕС мае намер і надалей зніжаць залежнасць і ў будучыні не імпартаваць з Расіі «ніводнай малекулы» энергарэсурсаў.
Некаторыя краіны ЕС, у тым ліку Венгрыя і Славакія, працягваюць атрымліваць расійскую нафту і газ па трубаправодах як выключэнне. Акрамя таго, еўрапейскія краіны яшчэ закупляюць звадкаваны прыродны газ, але плануецца цалкам адмовіцца ад імпарту расійскага газу да 2027 года.
На фоне вайны на Блізкім Усходзе Венгрыя і Славакія прапанавалі змякчыць абмежаванні, а прэм’ер-міністр Бельгіі выказаў меркаванне, што без падтрымкі ЗША ціск на Расію не вельмі эфектыўны. Аднак кіраўніцтва ЕС лічыць, што вяртанне да закупак расійскай нафты і газу было б сур’ёзнай стратэгічнай памылкай.
Пасля пачатку канфлікту на Блізкім Усходзе цэны на нафту і газ значна выраслі: нафта Brent паднялася больш чым на 40% і каштавала каля 102 долараў за бараль, а газ у Еўропе падаражэў прыкладна на 60%. Нягледзячы на гэта, у Еўрасаюзе заяўляюць, што не плануюць адступаць ад сваёй палітыкі энергетычнай незалежнасці ад Расіі.
Віктар Лукашэнка засвяціў на пасяджэнні НАК свой гадзіннік — цяжкі люкс30
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары