Прэм’ер-міністр Бельгіі Барт дэ Вевер заявіў, што Еўрапейскі саюз цяпер не мае дастатковых магчымасцяў, каб прымусіць Расію адступіць ні ваенным, ні эканамічным шляхам. Таму, на яго думку, ЕС варта пачаць прамыя перамовы з Крамлём, заявіў палітык у інтэрв'ю выданню L'Echo.
Паводле слоў палітыка, Еўропа не можа эфектыўна пагражаць Уладзіміру Пуціну праз пастаўкі зброі Украіне, а таксама не здольная эканамічна моцна націснуць на Расію без падтрымкі Злучаных Штатаў. Таму, як ён лічыць, застаецца толькі адзін шлях — шукаць кампраміс і заключаць дамоўленасць.
«Паколькі мы не можам пагражаць Пуціну, адпраўляючы зброю Украіне, і не можам эканамічна задушыць яго без падтрымкі ЗША, застаецца толькі адзін метад: заключыць здзелку», — сказаў ён.
Дэ Вевер таксама папярэдзіў, што калі Еўрасаюз не атрымае ўласнага мандата на перамовы, то ЗША могуць навязаць Еўропе пагадненне, якое будзе для яе нявыгадным.
На яго думку, ЗША «зусім не на баку Украіны».
«Часам мне здаецца, што яны бліжэй да Пуціна, чым да Зяленскага», — лічыць ён.
Раней бельгійскі прэм’ер ужо выступаў супраць жорсткіх мер у дачыненні да Масквы і блакаваў ініцыятывы, звязаныя з выкарыстаннем замарожаных расійскіх актываў для падтрымкі Украіны.
Чаму ўлады ЕС не сталі канфіскоўваць замарожаныя расійскія актывы?
Прэм'ер Бельгіі прызнаўся, што Расія пагражала яму асабіста за згоду на размарожванне расійскіх актываў
Бельгія заблакавала наданне Украіне €140 мільярдаў рэпарацыйнага крэдыту за кошт актываў РФ
Урад Бельгіі ўзначаліць прыхільнік большай самастойнасці Фландрыі
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
Пры гэтым сам бельгійскі прэм’ер раней ужо выступаў супраць жорсткіх мер у дачыненні да Масквы і блакаваў ініцыятывы, звязаныя з выкарыстаннем замарожаных расійскіх актываў для падтрымкі Украіны.