Ukraina źniščyła amal usie reziervuary na adnoj z najbujniejšych naftabaz Krasnadarskaha kraju
16 sakavika Uzbrojenyja siły Ukrainy nanieśli ŭdar pa adnoj z bujniejšych naftabaz Krasnadarskaha kraju ŭ horadzie Łabinsku. U vyniku amal całkam byli źniščanyja reziervuary bazy, paviedamlaje The Moscow Times.
Pavodle krynic telehram-kanała Astra, zhareli 18 z 20 reziervuaraŭ — dzieviać ź bienzinam, dzieviać z dyzielnym palivam, — a taksama siem aŭtacysternaŭ. Ahulnaja płošča pažaru skłała kala 3 tysiač m². Pavodle krynic z ekstrannych słužbaŭ, nichto nie paciarpieŭ, ale rabota pradpryjemstva zaraz spyniena.
Na videa pažaru, apublikavanym ukrainskim telehram-kanałam Exilenova+, vidać vialikija jazyki ahniu i kłuby čornaha dymu. Kiraŭnik Łabinskaha rajona Uładzimir Zaburajeŭ adznačyŭ, što hareńnie praciahvajecca, ale situacyja «stabilnaja». Rasspažyŭnahlad paviedamiŭ pra nibyta adsutnaść pieravyšeńnia kancentracyi škodnych rečyvaŭ u pavietry.
Naftabaza naležyć kampanii «Juhnaftapradukt» i zabiaśpiečvaje zapasy paliva dla Krasnadarskaha i Staŭrapalskaha krajoŭ, Rastoŭskaj vobłaści i Adyhiei. Jana źmiaščaje 9 tysiač kubamietraŭ paliva i pastaŭlaje bienziny AI-80, AI-92, AI-95, dyziel i alivy roznych vytvorcaŭ.
Za apošni tydzień ukrainskija bieśpiłotniki nieadnarazova atakavali enierhietyčnyja i naftavyja abjekty ŭ hetym rehijonie. 12 i 15 sakavika hareli naftabazy kala Cicharecka, u tym liku reziervuary liniejnaj vytvorča-dyśpietčasrskaj stancyi (ŁVDS) «Cichareckaja» i prylehły terminał «Cichareck-Nafta». ŁVDS «Cichareckaja» — stratehičny vuzieł «Transnafty» na poŭdni Rasii, praź jaki prachodzić transpartavańnie nafty da portaŭ Navarasijsk i Tuapse.
Akramia taho, «Hazpram» paviedamiŭ pra ataki 10 i 11 sakavika na kampresarnyja stancyi «Ruskaja», «Bierahavaja» i «Kazačaja», jakija zabiaśpiečvajuć pastaŭki pa trubapravodach «Turecki patok» i «Błakitny patok». Usie jany taksama raźmieščanyja ŭ Krasnadarskim krai.
USU nanieśli ŭdar pa naftabazie ŭ Armaviry
Novarasijsk atakavany dronami — u horadzie vybuchi i pałajučaja naftabaza. Raniej ZŠA prasili Ukrainu tudy nie bić
U Pskoŭskaj vobłaści haryć naftabaza — drony prabili achoŭnuju sietku
«Hety ŭdar ciažka pieraacanić». Čym unikalnaja ataka «Fłaminha» na zavod u Votkinsku
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary
Dziakuj ukrainskim vajskoŭcam!