Na minskim pradpryjemstvie padrabili podpis jehipcianina ŭ instruktažy pa technicy biaśpieki
42‑hadovy hramadzianin Jehipta, jaki źbiraŭ duchoŭki na adnym ź minskich pradpryjemstvaŭ, atrymaŭ traŭmu padčas pracy. Kali pravaachoŭniki pačali pravierku, vyśvietliłasia, što instruktaž pa technicy biaśpieki z mužčynam nichto nie pravodziŭ, a podpisy ŭ adpaviednym žurnale jamu nie naležać.
Dla vyśviatleńnia iściny była pryznačana składanaja počyrkaznaŭčaja ekśpiertyza. Śpiecyjalisty paraŭnali sprečnyja zapisy z realnymi ŭzorami počyrku jehipcianina. Padčas daśledavańnia ekśpierty vyjavili istotnyja adroźnieńni.
Vynik ekśpiertyzy adnaznačna paćvierdziŭ: podpis u žurnale pastaviŭ inšy čałaviek. Hetaje zaklučeńnie stała klučavym dokazam taho, što pradpryjemstva parušyła praviły achovy pracy, sprabujučy schavać adsutnaść instruktažu dla zamiežnaha rabotnika.
Ciapier materyjały spravy pieradadzienyja śledčym.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary