Jak rabili Śniežnuju karalevu dla handlovaha centra Galleria VIDEA
U hetym siezonie Galleria Minsk uraziła na śviaty hihanckaj instalacyjaj — 23‑mietrovaja Śniežnaja karaleva na ledzianym tronie, maleńki Kaj, jaki składaje słova «Viečnaść», i advažnaja Hierda, jakaja lacić na aleni jamu na dapamohu. Handlovy centr pryadkryŭ zakuliśsie, jak źbirałasia heta kanstrukcyja.
Pracavać nad prajektam pačali jašče ŭ traŭni z kamandaj Dexter Show.
Na stvareńnie kanstrukcyj spatrebiłasia bolš za 5000 čałavieka-hadzin. Asabliva składanym byŭ mantaž: ustanoŭka kampazicyi ŭ atryemie handlovaha centra praciahvałasia bolš za miesiac.
Kali b Śniežnaja karaleva padniałasia sa svajho trona, jaje rost skłaŭ by 18,7 mietra. Ahulnaja vyšynia kanstrukcyi trona z karalevaj dasiahaje 23 mietraŭ, pry hetym jaje vaha składaje kala 350 kh.
Atryum handlovaha centra ŭpryhožvaje blizu 1000 ledziašoŭ.
Śniežnaja karaleva sioleta stała, badaj, samaj instahramnaj navahodniaj instalacyjaj.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?32
Kamientary