Siońnia kaladoŭščyki zredku chodziać ad chaty da chaty. Ale ŭ niekatorych muziejach možna paŭdzielničać u hetych abradach, pakaštavać tradycyjnyja stravy i pahladzieć batlejku.
Kalady ŭ tradycyjnaj biełaruskaj kultury byli časam, kali ŭ adnoj chacie suisnavali roznyja suśviety. Chryścijanskija malitvy i narodnyja ŭjaŭleńni, pobyt i čaraŭnictva nie supiarečyli adno adnamu. Da śviata chaty ŭpryhožvali sałamianymi «pavukami», jakija musili baranić dom, śpiavali kaladki.
Kaladny čas adkryvaŭ pieryjad zabaŭ i haściavańniaŭ: ludzi chadzili ŭ hości adzin da adnoha, śpiavali, tančyli i hulali. Asobnaje miesca zajmała varažba — asabliva siarod dziaŭčat, jakija sprabavali daviedacca pra budučaje zamužža, siamju i dziaciej. Na Homielščynie, naprykład, takoj varažby zafiksavana asabliva šmat.
Nižej — niekalki miescaŭ u Biełarusi, dzie tradycyjnyja kaladnyja abrady sprabujuć zachavać žyŭcom.
Muziej narodnaj architektury i pobytu pad Minskam
27 śniežnia, 13:00—14:30
Kalady ŭ Muziei narodnaj architektury i pobytu adnaŭlajuć nie jak šou, a jak abrad.
Asnova prahramy — kaladny abychod, u jakim mohuć paŭdzielničać i hości muzieja: kaladoŭniki vinšujuć haspadaroŭ, hučać abradavyja pieśni, u tym liku «Dzie kaza chodzić, tam žyta rodzić», źjaŭlajucca kaladnyja piersanažy i betlejemskaja zorka. Asobnaje miesca zajmaje batlejka — tradycyjny lalečny teatr.
Akramia abychodu, naviedvalniki zmohuć dałučycca da kaladnych zaniatkaŭ — hulniaŭ, tancaŭ, vyrabu ŭpryhažeńniaŭ, a taksama da varažby.
Vialikaje kniastva Suła
24 śniežnia i 6 studzienia, 19:00
U kompleksie «Vialikaje kniastva Suła» Kalady prapanujuć pieražyć u farmacie tematyčnaj viačery «Kaladnaja spadčyna Biełarusi». Padčas śviata hości nie prosta nazirajuć, a stanoviacca častkaj abradaŭ — u tym liku «Kaladnych caroŭ» i «Piačy kata».
Dla haściej rychtujuć śviatočnuju viačeru z tradycyjnych straŭ, jakija ŭ biełaruskaj kultury zvyčajna hatavali tolki raz na hod — padčas kaladnych tydniaŭ.
U Sule Kalady isnujuć pieravažna ŭ farmacie turystyčnaha dośviedu, dzie abrad adaptavany pad udzieł haściej.
Vietkaŭski muziej (filijał u Homieli)
25 śniežnia, 14:00
U filijale Vietkaŭskaha muzieja ŭ Homieli Kalady prapanujuć asensavać praz kamierny farmat majstar-kłasa. Tut možna zrabić kaladnuju śviečku z vaščyny — prosty, ale sensava nasyčany elemient, źviazany z chatniaj utulnaściu i čakańniem cudu.
Taki farmat — prykład taho, jak da kaladnaj tradycyi siońnia možna dakranucca nie tolki praz abrad, ale i praz asobnyja pradmiety i praktyki.
«Falvarak Raskoša» (Miadzielski rajon)
Ad 10 śniežnia pa 15 studzienia
U «Falvarku Raskoša» Kalady adznačajuć nie ŭ peŭny čas, a pa piaredniaj zamovie. Prahrama ich interaktyvu stvoranaja vakoł adnoŭlenaha abradu: z kaladnymi piersanažami, tancami, karahodami i hulniami.
Naviedvalnikam taksama hatujuć tradycyjny abied u karčmie, ładziać majstar-kłasy i prapanujuć zadańni i hulni.
Farmat śviatkavańnia raźličany na roznyja scenary, a pry žadańni možna zastacca na noč.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary