Ukrainski prajekt «Chaču žyć» nazvaŭ imiony bolš za 700 biełarusaŭ, jakija vajavali na rasijskim baku POŬNY ŚPIS
Pavodle apublikavanych danych, u šerahach rasijskaj armii vajavali nie mienš za 742 čałavieki ź biełaruskimi pašpartami. Pry hetym adznačajecca, što hety śpis daloka nie poŭny. Zahinuli nie mienš za 96 čałaviek. Heta tyja, pra kaho viadoma dakładna — kali i dzie jany zahinuli i pachavanyja, paviedamlaje prajekt.
Jak paviedamlajuć aŭtary śpisu, pa stanie na pačatak 2025 hoda ŭ rasijskaj armii byli jak minimum 742 najmity z pašpartam Respubliki Biełaruś. U śpis nie ŭvajšli hramadzianie RB, jakija taksama majuć rasijski pašpart.
Aŭtary kanała miarkujuć, što kali dla najmitaŭ ź inšych krain vyrašalnym matyvacyjnym faktaram źjaŭlałasia biednaść, to ŭ vypadku z hramadzianami Biełarusi havorka chutčej idzie pra ideałahičny składnik. «Ni dla kaho nie sakret, što biełaruskaje hramadstva, pa sutnaści, žyvie ŭ adzinaj infarmacyjnaj prastory z RF, tamu mužyki chočuć vieryć u kazki prapahandystaŭ pra «nacystaŭ va Ukrainie» i vajujuć za «ahulnaje savieckaje minułaje». Nie spyniaje ich navat pierśpiektyva atrymać da 15 hadoŭ pazbaŭleńnia voli za najmictva zhodna KK RB», — pišuć aŭtary.
Jany źviarnulisia niepasredna da biełarusaŭ, što vybrali rasijski bok: «Kolki b vas ni apracoŭvała rasijskaja prapahanda, heta vajna nie vaša. Heta vajna dvuch šalonych dyktataraŭ, jakija raźmieńvajuć tysiačy žyćciaŭ dziela svaich ułasnych ambicyj. Kali vy apynulisia na vajnie va Ukrainie — źviartajciesia ŭ prajekt «Chaču žyć», dzie vam dapamohuć zdacca i zachavać žyćcio».
Dakładnaj ličby biełarusaŭ, jakija vajavali za niezaležnaść Ukrainy ŭ składzie Pałka Kalinoŭskaha i inšych struktur USU, nie nazyvałasia. Mierkavana, heta da tysiačy čałaviek.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary