U HZC Prizma na stancyi mietro «Partyzanskaja» adkryjecca vialikaja krama sietki Swed House. U joj buduć pradavać meblu i tavary IKEA. Pra heta vydańniu Myfin.by raskazaŭ deviełapier — kampanija «Sihmapolus».
Krama raźmiaściłasia na trecim uzroŭni HRC Prizma. Jaje płošča — kala 400 «kvadrataŭ», i jana budzie adnoj z samych vialikich u krainie.
U kramie prapanujuć tavary IKEA. Ich dapaŭniajuć vyraby ŭłasnaj vytvorčaści Swed House. Budzie pradstaŭlena i pradukcyja fabryk, jakija raniej pracavali sa šviedskim brendam.
Usie tavary, jak zapeŭnivajecca, buduć vytrymanyja ŭ styli minimalizmu i adpaviadać vysokaj jakaści viadomaj marki. Na palicach možna budzie znajści meblu, posud, tekstyl, cacki i roznyja aksiesuary.
Jak raskazali ŭ kampanii, na ŭsie pazicyi abiacajuć dastupnyja ceny. U HZC raźličvajuć, što z novaj kramaj zapaŭnialnaść pieravysić 84%, što źjaŭlajecca adnym z samych vysokich pakazčykaŭ u historyi handlovaj nieruchomaści ŭ Miensku.
U najbližejšych płanach HZC taksama adkryćcio kram abutku Marko, mužčynskich kaściumaŭ Gent, žanočaha adzieńnia Alisa, a taksama «Zialonaj apteki».
Ciapier čytajuć
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
[Zredahavana]