Bujny pastaŭščyk haspadarčych tavaraŭ i posudu buduje novuju sietku kramaŭ u Minsku
U lutym u Minsku, u mikrarajonie Kamiennaja Horka, adkryłasia krama tavaraŭ dla doma i ŭtulnaści «Krasavita». Heta ŭžo druhi punkt z takoj nazvaj — pieršy źjaviŭsia ŭ stalicy vosieńniu minułaha hoda, piša Office Life.
Pieršaja krama «Krasavita» adkryłasia na rynku «Ekspabieł» u kastryčniku 2024 hoda. Druhi źjaviŭsia ŭ lutym u HC «Marcin» na Niomanskaj. U Instagram sietka pazicyjanuje siabie jak roźničnaja krama z tavarami pa aptovych cenach.
U asartymiencie pradstaŭleny vazony, kašpo, sadovaja mebla, šklany i farforavy posud, a taksama roznyja aksiesuary dla doma.
Upraŭlaje sietkaj TAA «Stronhtrejnd». Heta kampanija ličycca adnym ź viadučych imparcioraŭ haspadarčych tavaraŭ u Biełaruś i zajmajecca pastaŭkami płastykavych tavaraŭ i posudu.
«Stronhtrejnd» taksama źjaŭlajecca ekskluziŭnym imparcioram handlovaj marki Prima House, jakaja vyrablaje čachły dla adzieńnia, abutku i prasavalnych došak, arhanajziery i skryni dla zachoŭvańnia.
Kampanija pracuje na rynku z 2010 hoda. Jaje ŭładalnik — biznesmien Alaksandr Kulašoŭ ź Viciebska.
Spačatku «Stronhtrejnd» pastaŭlaŭ tavary ŭ kramy Biełkaapsajuza, ale paśla aktyŭnaha prychodu sietki «Jeŭraopt» u rajcentry kampanija była vymušanaja šukać novyja rynki zbytu.
Pavodle danych na leta minułaha hoda, 80% abarotu imparciora prypadała na bujnyja handlovyja sietki: Green, «Karona», «Susiedzi», «Dabranom», OMA, «Maciaryk», Mile.
-
Za rulom dypłamatyčnaj mašyny, jakaja sutyknułasia z palicejskim aŭto ŭ Biełastoku, byŭ konsuł Biełarusi ŭ Aŭstryi
-
U Minsku žančyna vykinuła ź dziaviataha paviercha čychuachua svajho kachanka
-
Zaviaščaŭ Karynie Šulak 50 miljonaŭ, a jaje baćka lotaŭ ź im na viertalocie za miesiac da aryštu. Što jašče stała viadoma z fajłaŭ Epštejna
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB23
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ44
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ4
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Kamientary