Буйны пастаўшчык гаспадарчых тавараў і посуду будуе новую сетку крамаў у Мінску
У лютым у Мінску, у мікрараёне Каменная Горка, адкрылася крама тавараў для дома і ўтульнасці «Красавіта». Гэта ўжо другі пункт з такой назвай — першы з’явіўся ў сталіцы восенню мінулага года, піша Office Life.
Першая крама «Красавіта» адкрылася на рынку «Экспабел» у кастрычніку 2024 года. Другі з’явіўся ў лютым у ГЦ «Марцін» на Нёманскай. У Instagram сетка пазіцыянуе сябе як рознічная крама з таварамі па аптовых цэнах.
У асартыменце прадстаўлены вазоны, кашпо, садовая мэбля, шкляны і фарфоравы посуд, а таксама розныя аксесуары для дома.
Упраўляе сеткай ТАА «Стронгтрэйнд». Гэта кампанія лічыцца адным з вядучых імпарцёраў гаспадарчых тавараў у Беларусь і займаецца пастаўкамі пластыкавых тавараў і посуду.
«Стронгтрэйнд» таксама з’яўляецца эксклюзіўным імпарцёрам гандлёвай маркі Prima House, якая вырабляе чахлы для адзення, абутку і прасавальных дошак, арганайзеры і скрыні для захоўвання.
Кампанія працуе на рынку з 2010 года. Яе ўладальнік — бізнэсмен Аляксандр Куляшоў з Віцебска.
Спачатку «Стронгтрэйнд» пастаўляў тавары ў крамы Белкаапсаюза, але пасля актыўнага прыходу сеткі «Еўраопт» у райцэнтры кампанія была вымушаная шукаць новыя рынкі збыту.
Паводле даных на лета мінулага года, 80% абароту імпарцёра прыпадала на буйныя гандлёвыя сеткі: Green, «Карона», «Суседзі», «Дабраном», OMA, «Мацярык», Mile.
-
Былы выкладчык Іняза перайшоў на беларускую ў эміграцыі. Ён разважае пра лёс універсітэта, беларусаў за мяжой і адрозненне нас ад палякаў
-
«Вы што, звар'яцелыя?» Жыхарка Брэста ў шоку ад цэн на яблыкі
-
Польскі візавы цэнтр паведаміў, што ўсё часцей на падачу віз рэгіструюцца праз боты. Такія запісы могуць адмяніць
Каментары