Prezident Ukrainy vystupiŭ na hałoŭnaj siesii Miunchienskaj kanfierencyi, pieradaje Bi-bi-si.
«Rasija nie rychtujecca da dyjałohu, amal kožny dzień nakiroŭvaje sotniu ci bolš «šachiedaŭ». Taksama ažyćciaŭlajucca zvyčajnyja rakietnyja ataki, stanovicca bolš udaraŭ z pavietra. A jašče sioleta płanuje stvaryć 15 novych dyvizij. Pucin moža sabie heta dazvolić, bo ceny enierhietyčnych resursaŭ dosyć vysokija», — zajaviŭ Zialenski.
Zakranuŭ prezident Ukrainy i pytańnie Biełarusi.
«I ŭ nas jość vyraznaja raźviedvalnaja infarmacyja, što hetym letam Rasija płanuje adpravić vojski ŭ Biełaruś na padstavie vajskovych vučeńniaŭ. Ale heta sapraŭdy hetak ža, jak jany razhortvali vojski pierad poŭnamaštabnym uvarvańniem va Ukrainu try hady tamu. Hetyja rasijskija siły ŭ Biełarusi dla napadu na Ukrainu? Mahčyma. A mahčyma nie».
«Ci mahčyma jany dla vas? Dazvolcie mnie nahadać vam, Biełaruś miažuje z tryma krainami NATA. Jana, ułasna, stała płacdarmam dla rasijskich vajskovych apieracyj. Adpaviedna, sa słoŭ Pucina i Łukašenki, Biełaruś ciapier pryniała zabaronienuju zbroju. Rakiety siaredniaj dalokaści i navat jadziernuju zbroju. Pucin vyrazna razhladaje Biełaruś jak prosta inšy rehijon Rasii. I my pavinny być realistyčnymi, kali chtości razhortvaje vajenny płacdarm, my pavinny spytać, što nam z hetym rabić? I bolš važna — što možam my zrabić da nastupnaha napadu, nastupnaha ŭvarvańnia?» — skazaŭ Zialenski.
Ciapier čytajuć
Šakujučaja strata hoda, tajamničyja źniknieńni, dykpiki i departacyi — asnoŭnyja ludzi i padziei 2025 hoda3
Kamientary