Прэзідэнт Украіны выступіў на галоўнай сесіі Мюнхенскай канферэнцыі, перадае Бі-бі-сі.
«Расія не рыхтуецца да дыялогу, амаль кожны дзень накіроўвае сотню ці больш «шахедаў». Таксама ажыццяўляюцца звычайныя ракетныя атакі, становіцца больш удараў з паветра. А яшчэ сёлета плануе стварыць 15 новых дывізій. Пуцін можа сабе гэта дазволіць, бо цэны энергетычных рэсурсаў досыць высокія», — заявіў Зяленскі.
Закрануў прэзідэнт Украіны і пытанне Беларусі.
«І ў нас ёсць выразная разведвальная інфармацыя, што гэтым летам Расія плануе адправіць войскі ў Беларусь на падставе вайсковых вучэнняў. Але гэта сапраўды гэтак жа, як яны разгортвалі войскі перад поўнамаштабным уварваннем ва Украіну тры гады таму. Гэтыя расійскія сілы ў Беларусі для нападу на Украіну? Магчыма. А магчыма не».
«Ці магчыма яны для вас? Дазвольце мне нагадаць вам, Беларусь мяжуе з трыма краінамі НАТА. Яна, уласна, стала плацдармам для расійскіх вайсковых аперацый. Адпаведна, са слоў Пуціна і Лукашэнкі, Беларусь цяпер прыняла забароненую зброю. Ракеты сярэдняй далёкасці і нават ядзерную зброю. Пуцін выразна разглядае Беларусь як проста іншы рэгіён Расіі. І мы павінны быць рэалістычнымі, калі хтосьці разгортвае ваенны плацдарм, мы павінны спытаць, што нам з гэтым рабіць? І больш важна — што можам мы зрабіць да наступнага нападу, наступнага ўварвання?» — сказаў Зяленскі.
Цяпер чытаюць
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма5
26‑гадовы Андрэй паехаў у Расію ў марскі флот. Але трапіў на вайну і загінуў — маці кажа, спакусіўся вялікімі грашыма
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары