Сёння знакамітаму барцу Аляксандру Мядзведзю споўнілася б 88 гадоў.
У гэты дзень на Усходніх могілках сабраліся яго сябры, калегі і спартсмены, а на магіле легендарнага барца адкрылі помнік, піша Onliner.by.
Манумент уяўляе сабой бюст маладога Аляксандра Мядзведзя, ля падножжа якога паказаныя сцэны барацьбы.
Аўтар помніка — беларускі скульптар Канстанцін Касцючэнка, які стварыў «Браму памяці» ў мемарыяльным комплексе «Трасцянец».
Аляксандр Мядзведзь — трохразовы алімпійскі чэмпіён па вольнай барацьбе. Ён сем разоў станавіўся чэмпіёнам свету і быў прызнаны найлепшым барцом XХ стагоддзя.
Пасля завяршэння кар'еры Мядзведзь доўгі час займаўся трэнерскай працай, быў спартовым функцыянерам, а ў 2004 годзе стаў сцяганосцам зборнай Беларусі на Алімпіядзе ў Афінах. Яго не стала 2 верасня 2024 года.
Каментары