Беларуска, якую лічылі зніклай у Непале, жывая. Яна ў ізалятары ў Тайвані
«Яна не ў Непале — яна затрыманая на Тайвані, у жаночым ізалятары г. Тайчжун», — паведаміла ў сацсетках яе маці.
Учора з'явілася інфармацыя, што ў Непале пасля катастрафічнай паводкі ў раёне ракі Бхатэкошы знікла без вестак 24‑гадовая грамадзянка Беларусі Ірына Бадзілоўская (Iryna Badzilouskaya). Яе імя значыцца ў афіцыйных спісах зніклых турыстаў, апублікаваных Дэпартаментам турызму Непала.
Аднак маці дзяўчыны ў сацсетках абвяргае гэту інфармацыю.
«Ірына Бадзілоўская жывая. Яна не ў Непале — яна затрыманая на Тайвані, у жаночым ізалятары г. Тайчжун. Консульства РБ гэта афіцыйна пацвердзіла. Ёй тэрмінова патрэбна незалежная юрыдычная дапамога. Калі хтосьці можа дапамагчы з адвакатам ці ведае рускамоўных юрыстаў на Тайвані — адгукніцеся, калі ласка», — напісала жанчына ў сацсетках.
Якім чынам даныя беларускі трапілі ў непальскія спісы, сваякам пакуль не вядома. У слупку, дзе пазначаны назвы турыстычных агенцтваў, паслугамі якіх карысталіся зніклыя, стаіць адзнака PHQ CID DEPT. Гэта значыць, што Ірына трапіла ў спіс па заяве Дэпартамента крымінальных расследаванняў паліцыі Непала, звяртае ўвагу «Анлайнер».
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары20
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
у Ірыны тры шляхі — ..., ... ці айці