Biełaruski dziaržaŭny miedycynski ŭniviersitet razam z navukova-technałahičnym parkam BNTU «Palitechnik» raspracavaŭ śpiecyjalnuju kapu ad chrapu. Pra heta ŭ efiry STB raspaviała doktarka miedycynskich navuk, prafiesar kafiedry pieryjadantałohii BDMU Julija Dzianisava.
Kapu nadziavajuć na zuby. Jana akuratna vyłučaje nižniuju skivicu napierad. Dziakujučy hetamu padčas snu pacyjent lepš dychaje i nie chrapie.
Biełaruskaja inavacyja zaklučajecca ŭ tym, što ŭ kapie jość vint. Jon dazvalaje ruchać nižniuju skivicu navat padčas snu.
Z dapamohaj kapy možna pazbavicca ad chrapu biez apieracyi. Chrap — heta vielmi niebiaśpiečny stan, jaki pryvodzić da spynieńnia dychańnia padčas snu.
Julija Dzianisava adznačyła, što pa heta prystasavańnie źviartajucca i ludzi ź inšych krain. Naprykład, niadaŭna na kafiedru pryjšła pacyjentka z Chabaraŭska z prośbaj zrabić joj takuju kapu. Z-za chrapu ŭ jaje razburałasia asabistaje žyćcio. Zaraz usio naładziłasia — u tym liku dziakujučy tamu, što čałaviek pazbaviŭsia ad chrapu z dapamohaj kapy.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary