Kali vy chočacie ździvić haściej vytančanaj, ale ŭ toj ža čas prostaj u hatavańni stravaj, ryzota z ružami — idealny vybar. Pialostki nie tolki ŭpryhožać stravu, ale i nadaduć joj elehantnaść.
Usim viadoma, što pialostki ruž vydatna spałučajucca z truskałkami i azdablajuć desierty. Ale ruža moža ŭpryhožvać i bolš sytnyja stravy. Pamiatajcie tolki, što nie ŭsie ružy pasujuć dla ŭpryhožvańnia straŭ, tamu vybirajcie jadomyja hatunki, nie apracavanyja chimikatami.
Hety recept stanie vydatnaj idejaj dla ramantyčnaj viačery. Nasyčany smak rysu ź viarškami, pryhatavanaha na patelni, u spałučeńni z tonkim vodaram pialostkaŭ ruž robić stravu niejmavierna duchmianaj i dalikatnaj.
Kab pryhatavać ryzota ź pialostkami ruž, spatrebicca:
- rys karnaroli abo arborya — 160 h
- viarški (mohuć być biezłaktoznyja) — 2 st. ł.
- masła — 50 h
- zdrobnienyja fistaški — 30 h
- čyrvonyja i ružovyja pialostki ruž — prykładna dźvie žmieni
- suchoje biełaje vino — 1 kielich
- zialonaja cybula
- aharodninny bulon — pa nieabchodnaści (ad 1 da 3 šklanak)
- ciorty parmiezan — na vaš smak (moža być 3 st. łyžki)
- sol, pierac — na vaš smak
Jak hatavać:
- Zamačycie pialostki ruž u vadzie prykładna na hadzinu. Absušycie.
- Zdrabnicie šałot i absmažcie jaho na patelni ŭ nievialikaj kolkaści masła. Dadajcie rys i absmažvajcie na praciahu chviliny.
- Ulicie biełaje vino i dajcie jamu vyparycca. Zatym pastupova dadavajcie aharodninny bulon. Uvieś čas pamiešvajcie, i kali rys uciahvaje ŭsiu vadkaść, padlivajcie bulon pa paŭšklanki. U siaredzinie pracesu hatavańnia dadajcie prasušanyja pialostki ruž. Daviadzicie ryzota da hatoŭnaści.
- Dadajcie viarški i ciorty parmiezan, staranna źmiašajcie. Padavajcie, upryhožyŭšy stravu adkładzienymi pialostkami ruž i hruba zdrobnienymi fistaškami.
Smačna jeści!
Kamientary